Ate nu ka kpɔ? Mɔɖeɖedɔa! Yayra ka gbegbee nye esi nàkpɔ!—Lod 10:22.

NE ÈWƆ MƆÐEÐEDƆA LA, AKPE ÐE ŊUWÒ. . .

  • nàbi le gbeƒãɖeɖe nya nyuia me eye esia ana nàse vivi na gbeƒãɖeɖedɔa geɖe wu

  • be ƒomedodo si le wò kple Yehowa dome nasẽ. Zi ale si nèƒoa nu tsoa Yehowa ŋu na amewo la, zi nenemae wòanɔ ŋku ɖom eƒe nɔnɔme wɔnukuwo dzi na wò

  • nàkpɔ dzidzeme si tsoa Fiaɖuƒea tsɔtsɔ ɖo nɔƒe gbãtɔ na nu bubuwo me, eye àkpɔ dzidzɔ hã le esi nètsɔ ɖokuiwò na be yeakpe ɖe ame bubuwo ŋu ta.—Mt 6:33; Dw 20:35

  • nàde kpekpe si nutome sue dzikpɔla wɔna kple mɔɖelawo ne eva srã hamewo kpɔ kple kpekpe tɔxɛ si mɔɖelawo dena doa ŋgɔ na nutome sue takpekpe kpakple Mɔɖelawo Ƒe Subɔsubɔ Sukua

  • be mɔnukpɔkpɔ geɖe nanɔ ʋuʋu ɖi na wò be nàwɔ Biblia nusɔsrɔ̃ geɖe

  • be nàzɔ kple gbeƒãɖela vovovowo le gbeadzi si ana miade dzi ƒo na mia nɔewo.—Ro 1:11, 12