Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Kristotɔwo Ƒe Agbenɔnɔ Kple Subɔsubɔdɔ—Kpekpea Ƒe Nusrɔ̃gbalẽ  |  January 2016

 KRISTOTƆWO ƑE AGBENƆNƆ

Mɔnukpɔkpɔ Si Su Mía Si Be Míatu Tadeaguƒewo Ahalé Be Na Wo

Mɔnukpɔkpɔ Si Su Mía Si Be Míatu Tadeaguƒewo Ahalé Be Na Wo

Mawu ƒe gbedoxɔ si nɔ Israel tutu bia dɔ sesẽ wɔwɔ kple ga geɖe. Ke hã, Israel-viwo tsɔ dzonɔameme kpe asi ɖe dɔa ŋu. (1Kr 29:2-9; 2Kr 6:7, 8) Esi wowu gbedoxɔa nu la, ale si Israel-viwo lé be nɛ ɖee fia nenye be wotsɔa mawusubɔsubɔ nu vevii alo wometsɔnɛ nu vevii o. (2Fi 22:3-6; 2Kr 28:24; 29:3) Egbea la, Kristotɔwo zãa woƒe ɣeyiɣi kple ŋusẽ ɖe Fiaɖuƒe Akpatawo kple Takpexɔwo tutu, wo dzadzraɖo, kple beléle na wo ŋu. Eya ta dɔwɔwɔ kple Yehowa le mɔ siawo nu nye mɔnukpɔkpɔ gã aɖe, eye wònye míaƒe subɔsubɔ kɔkɔea ƒe akpa aɖe.—Ps 127:1; Nyɖ 7:15.

MÍATE ŊU AKPƆ GOME LE DƆ SIAWO ME NE . . .

  • Míedzraa akpataa me ɖo le kpekpe ɖe sia ɖe megbe. Ne nɔnɔmea maɖe mɔ na wò be nàkpɔ gome le eme o la, fɔ nu siwo ge ɖe afi si nènɔ anyi ɖo la.

  • Míekpea asi ɖe Fiaɖuƒe Akpataa me dzadzraɖo kple beléle nɛ ƒe dɔ siwo yia edzi la ŋu. Ne ame geɖe kpe asi ɖe dɔa ŋu la, enana be dɔa wɔwɔ nɔa bɔbɔe eye wòvivina.lv 92-93 mm. 18.

  • Ne míenaa gakpekpeɖeŋu. “Gaku sue eve siwo ƒe home le sue ŋutɔ” dzɔdzɔ tso dzi me dzea Yehowa ŋu.—Mr 12:41-44.

  • Ètsɔa ɖokuiwò nana be nàkpe asi ɖe teokrasixɔtudɔwo ŋu ne wò nɔnɔmewo aɖe mɔ na wò. Mehiã be xɔtuɖaŋu nanɔ asiwò kokoko hafi nàte ŋu akpe asi ɖe dɔ siawo ŋu o.