Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Kristotɔwo Ƒe Agbenɔnɔ Kple Subɔsubɔdɔ—Kpekpea Ƒe Nusrɔ̃gbalẽ  |  February 2017

 NU XƆASI SIWO LE MAWU ƑE NYA LA ME | YESAYA 63-66

Dziƒo Yeye Kple Anyigba Yeye La Ana Míakpɔ Dzidzɔ Geɖe

Dziƒo Yeye Kple Anyigba Yeye La Ana Míakpɔ Dzidzɔ Geɖe

Kakaɖedzi le ŋugbe si Yehowa do le Yesaya ta 65 ŋu ale gbegbe be eƒo nu tso eŋu abe ɖe wòva eme xoxo ene.

Yehowa awɔ dziƒo yeye kple anyigba yeye; eye tsãnuwo magava susu me na ame o

65:17

Nu kae nye dziƒo yeye la?

  • Eyae nye dziɖuɖu yeye si ahe nu dzɔdzɔe wɔwɔ ava anyigba dzi

  • Woɖoe anyi le dziƒo le ƒe 1914 esime woɖo Kristo zi dzi wòzu Mawu Fiaɖuƒea ƒe Fia

Nu kae nye anyigba yeye la?

  • Eyae nye ame siwo tso dukɔ vovovowo me, siwo doa gbe vovovowo eye wobɔbɔa wo ɖokui ɖe dziƒofia yeye la ƒe dziɖuɖu te

Mɔ ka nue tsãnuwo magava susu me na ame le o?

  • Nu siwo nana míesea veve le ŋutilãme, susu me kple nu bubu ɖe sia ɖe si dzi ne míeɖo ŋkui wònana míesea veve la maganɔ anyi o

  • Nuteƒewɔlawo ase vivi na agbea bliboe eye gbe sia gbe nudzɔdzɔwo anye dzidzɔ sɔŋ na wo