Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Ðɔ Ŋu Ðo Le Agbalẽwo Mama Me

Ðɔ Ŋu Ðo Le Agbalẽwo Mama Me

Yesu gblɔ be: “Faa miexɔe, faa minae.” (Mt 10:8) Míedoa asi ɖe Biblia alo míaƒe agbalẽwo ŋu o ale be míawɔ ɖe mɔfiame ma si me kɔ la dzi. (2Ko 2:17) Ke hã, nyateƒenya xɔasi siwo le Mawu ƒe Nyaa mee le agbalẽ siawo me. Wozãa ɣeyiɣi kple ga geɖe hafi taa agbalẽawo ɖona ɖe hameawo le xexea me godoo. Eya ta tsɔ esi ko nèhiã.

Ne dutoƒoɖaseɖiɖidɔa wɔm nèle le kplɔ̃ ŋu gɔ̃ hãa, ɖɔ ŋu ɖo ne èle agbalẽwo nam amewo. (Mt 7:6) Mègatsɔ agbalẽawo na ame sia ame si tso eme va yina o, dze agbagba nàɖo dze kpli wo akpɔe ɖa be wodi be yewoaxlẽe ŋutɔŋutɔ hã. Ðe nàte ŋu aɖo nyabiase siwo le aɖakaa me dometɔ ɖeka teti ya ŋu be ɛ̃a? Ne mènya ne ame aɖe tsɔ ɖe le eme ŋutɔŋutɔ o la, anyo be nàna trakt amea. Gake ne ebia magazine alo agbalẽ bubu aɖe la, àte ŋu atsɔe anae faa.—Lod 3:27, 28.