Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Ale Si Nàwɔ Abi Ðe Ðaseɖiɖidɔa Me—Dze Agbagba Nàɖo Ame Sia Ame Gbɔ Le Anyigbamamaa Me

Ale Si Nàwɔ Abi Ðe Ðaseɖiɖidɔa Me—Dze Agbagba Nàɖo Ame Sia Ame Gbɔ Le Anyigbamamaa Me

NU SI TA WÒLE VEVIE: Zakariya gblɔe ɖi be amewo atso dukɔwo ƒe gbegbɔgblɔwo katã me aɖo to nya nyuia. (Zak 8:23) Gake ame kae afia nu wo? (Ro 10:13-15) Enye mɔnukpɔkpɔ kple agbanɔamedzi na mí be míagblɔ nya nyuia na amewo katã le míaƒe anyigbamamaa me.—od 84 mm. 10-11.

ALE SI NÀWƆE:

  • Dzra ɖo. Ðe nèdoa go ame siwo doa gbe bubuwoa? Àte ŋu azã JW Language dɔwɔnua atsɔ asrɔ̃ dzeɖonya bɔbɔe aɖe. Alo àte ŋu azã wò fon alo tablɛt atsɔ afia ale si amea awɔ ake ɖe nyatakaka bubuwo ŋu le wo degbe me le jw.org

  • Lé ŋku ɖe nu ŋu. Ne èle tso aƒe me yi aƒe me dɔa wɔm la, wɔ mɔnukpɔkpɔ siwo aʋu ɖi na wò be nàɖi ɖase na ame siwo tso eme va yina alo le lalam le ʋu me la hã ŋu dɔ. Ne èle dutoƒoɖaseɖiɖidɔa wɔm la, nɔ ŋudzɔ be nàɖi ɖase na amewo

  • Wɔ dɔa memie. Dze agbagba be nàte ŋu ake ɖe ame siwo mètu le aƒe me va yi o la ŋu. Dze agbagba be nàte ŋu ake ɖe ame aɖe ŋu le aƒe sia aƒe me, ɖewohĩ ɣebubuɣi le ŋkekea me alo ŋkeke bubu dzi le kwasiɖaa me. Le ame aɖewo gome la, lɛta, telefon alo ablɔdziɖaseɖiɖidɔa dzi koe míato ake ɖe wo ŋu

  • Nɔ wo gbɔ yim. Trɔ yi wo gbɔ kaba be nàtu woƒe ɖetsɔlemea ɖo. Ne amea doa gbe bubu la, di ame aɖe si se gbe ma nyuie ne wòakpe ɖe eŋu. Ele be nànɔ amea gbɔ yim va se ɖe esime gbeƒãɖela si se wo degbea nava egbɔ.—od 94 mm. 39-40

MIKPƆ VIDEO SI NYE GBEƑÃÐEÐE LE “ANYIGBA ƑE SEƑE KE” EYOME MIAÐO BIABIA SIAWO ŊU:

  • Dzadzraɖo kae nɔviawo wɔ be yewoake ɖe amewo ŋu le teƒe siwo sa ɖe aga? (1Ko 9:22, 23)

  • Kuxi kawo dzie wòle be woaɖu?

  • Yayra kawoe wokpɔ?

  • Agbagba kae nàte ŋu adze be nàke ɖe ame geɖewo ŋu le wò anyigbamama me?