Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Yesu Ku Ðe Nɔviwòa Hã Ta

Yesu Ku Ðe Nɔviwòa Hã Ta

Yesu tsɔ eƒe agbe sa vɔ ɖe ame madeblibowo ta. (Ro 5:8) Ðikeke mele eme o be edzɔa dzi na mí be Yesu ɖee fia be yelɔ̃ mí eye wòtsɔ eƒe agbe na ɖe mía ta. Ke hã, ɣeaɖewoɣi la, ele be míaɖo ŋku edzi be Kristo ku ɖe mía nɔvia hã ta. Abe ale si Kristo lɔ̃ mí ene la, aleke míawo hã míate ŋu alɔ̃ mía nɔvi siwo mede blibo o abe míawo ke ene? Bu mɔ etɔ̃ siawo ŋu kpɔ. Gbãa, míate ŋu adze xɔ̃ ame siwo hã ƒe dekɔnuwo kple nuwɔnawo to vovo na mía tɔwo. (Ro 15:7; 2Ko 6:12, 13) Evelia, ele be míakpɔ nyuie be míagawɔ nane alo agblɔ nya aɖe si ave ame bubuwo o. (Ro 14:13-15) Mlɔeba la, ne ame aɖe dze agɔ le mía dzi la, míate ŋu atsɔe ake kaba. (Lk 17:3, 4; 23:34) Ne míeku kutri srɔ̃ Yesu le mɔ siawo nu la, Yehowa ayi edzi ayra hamea eye míanɔ ŋutifafa me awɔ ɖeka.

MIKPƆ VIDEO SI NYE ATSYƆ̃ WÒNYE NE ÈŊE AÐABA ƑU AGƆDZEDZE DZI! EYOME MIAÐO BIABIA SIAWO ŊU:

  • Aleke Ðela se le eɖokui me gbã tso eƒe hame yeyea ŋu?

  • Nu kae na Ðela ƒe nɔnɔme va trɔ?

  • Aleke Yesu ƒe kpɔɖeŋua kpe ɖe Ðela ŋu wòtrɔ eƒe susu? (Mr 14:38)

  • Aleke Lododowo 19:11 ate ŋu akpe ɖe mía ŋu be susu nyui nanɔ mía si ɖe mía nɔvi Kristotɔwo ŋu?