Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Ale Si Nàwɔ Abi Ðe Ðaseɖiɖidɔa Me—Zã JW.ORG

Ale Si Nàwɔ Abi Ðe Ðaseɖiɖidɔa Me—Zã JW.ORG

NU SI TA WÒLE VEVIE: Agbalẽ ɖe sia ɖe si le Dɔwɔnu Siwo Míetsɔ Fiaa Nu amewo dome la hea susu yia jw.org dzi. Le nyateƒe me la, taɖodzinu vevitɔ si le kadodogbalẽvia kple trakt si nye Afi Kae Míakpɔ Ŋuɖoɖo Na Agbe Me Biabia Vevitɔwo Le? ŋue nye be woakpe ɖe amewo ŋu woayi míaƒe nyatakakadzraɖoƒea. Àte ŋu azã jw.org atsɔ aɖo agbalẽ aɖe si le mɔ̃ dzi eye wòle Dɔwɔnu Siwo Míetsɔ Fiaa Nu amewo dome ɖe ame aɖe to e-mail alo link dzi. Esia ɖea vi vevietɔ ne èle gbeƒã ɖem na ame aɖe si doa gbe bubu. Azɔ hã, amewo ate ŋu abia nya siwo ƒe ŋuɖoɖowo le agbalẽ bubu siwo mele Dɔwɔnu Siwo Míetsɔ Fiaa Nu amewo dome o. Ne míezãa nyatakakadzraɖoƒea la, akpe ɖe mía ŋu míaƒe subɔsubɔdɔa nanyo ɖe edzi.

ALE SI NÀWƆE:

MIKPƆ VIDEO SI NYE ZÃ JW.ORG, EYOME KPƆE ÐA BE NYATAKAKADZRAÐOƑEA ƑE AFI KAE NÀYI AKPE ÐE AME SIWO GBƆNA ŊU:

  • ame si mexɔ Mawu dzi se o

  • ame aɖe si dzi afɔku dzɔ ɖo medidi o

  • nɔvi aɖe si dzudzɔ gbeadzi dede

  • ame aɖe si gbɔ nètrɔ yi si di be yeanya afi si míekpɔa ga le tsɔ wɔa míaƒe dɔwo

  • ame aɖe si tso dukɔ bubu me si di be yeayi kpekpe ne yetrɔ yi yewo de