Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Ɣekaɣie Magate Ŋu Awɔ Kpekpeɖeŋu Mɔɖeɖedɔa?

Ɣekaɣie Magate Ŋu Awɔ Kpekpeɖeŋu Mɔɖeɖedɔa?

Ŋutega si Ezekiel kpɔ ku ɖe gbedoxɔa ŋu la ɖee fia be Yehowa ƒe amewo alɔ̃ faa awɔ dɔwo nɛ. Mɔ kawo nue mía dometɔ ɖe sia ɖe ate ŋu atsɔ kafukafuvɔsawo ana Mawu le?—Heb. 13:15, 16.

Mɔ nyui si dzi míato awɔ esia ɖekae nye be míawɔ kpekpeɖeŋu mɔɖeɖedɔa. Le ƒe 2018 subɔsubɔƒea me la, dzinuawo dometɔ geɖe nye Memleɖa atɔ̃ kple Kwasiɖa atɔ̃. Esia ade nɔvi siwo wɔa dɔ kwasiɖa bliboa eye Memleɖa kple Kwasiɖawo koŋ ye wodea gbeadzi la dzi. Azɔ hã, gbeƒãɖelawo ate ŋu atiae be yewoazã gaƒoƒo 30 alo 50 atsɔ aɖe gbeƒã le March kple April me alo le nutome sue dzikpɔla ƒe sasrãkpɔɣia.

Ke ne míaƒe nɔnɔmewo meɖe mɔ na mí be míawɔ kpekpeɖeŋu mɔɖeɖedɔa o ya ɖe? Míate ŋu adze agbagba ana míaƒe subɔsubɔdɔa nanyo ɖe edzi eye míadzii ɖe edzi hã. Aleke kee míaƒe nɔnɔmea le o, lɔlɔ̃ si le mía si na Yehowa neʋã mí be míatsɔ míaƒe nu nyuitɔ anɛ le ƒe 2018 subɔsubɔƒea me!—Ho 14:2.

Aleke mate ŋu asrɔ̃ ale si Sabina Hernández tsɔ dzo ɖe subɔsubɔdɔa ŋu?

MIKPƆ VIDEO SI NYE YEHOWA TA, MATE ŊU AWƆ NU SIA NU, EYOME MIAÐO BIABIA SIAWO ŊU:

  • Nu kae ʋã Sabina be wòwɔ geɖe le Yehowa subɔsubɔ me?

  • Aleke Sabina ƒe kpɔɖeŋua de dzi ƒo na wòe?

  • Le ƒe 2018 subɔsubɔƒea me la, dzinu alo dzinu kawo mee nàdi be yeawɔ kpekpeɖeŋu mɔɖeɖedɔa?