Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Kristotɔwo Ƒe Agbenɔnɔ Kple Subɔsubɔdɔ—Kpekpea Ƒe Nusrɔ̃gbalẽ  |  August 2016

 KRISTOTƆWO ƑE AGBENƆNƆ

Fia Nyateƒea

Fia Nyateƒea

Tso September me la, kpɔɖeŋudzeɖonya yeye aɖe anɔ dzedzem le Agbenɔnɔ Kple Subɔsubɔdɔ Kpekpe Ƒe Nusrɔ̃gbalẽa me si ƒe tanyae nye “Fia Nyateƒea.” Míaƒe taɖodzinue nye be míazã nyabiase kple mawunyakpukpui aɖe atsɔ ahe amewo ƒe susu yi Biblia me nyateƒe aɖe dzi kpuie.

Ne amea tsɔ ɖe le eme la, míate ŋu atsɔ trakt, magazine, alo agbalẽ aɖe nɛ, loo alo aɖe video aɖe le jw.org afiae atsɔ aɖo tɔtrɔyi gɔme anyi ale be wòanɔ mɔ kpɔm na mí. Ele be míadze agbagba atrɔ ayi le ŋkeke ʋɛ aɖewo megbe ahayi dzeɖoɖo si gɔme míedze la dzi. Woatu dzeɖonya yeyeawo kple sukuviwo ƒe dɔdeasiwo ɖe agbalẽ si nye Nu Kae Biblia Fia Mí? ƒe akpa si nye taa totoɖeme la dzi. Le agbalẽa ƒe akpa sia la, míakpɔ nyabiase kple mawunyakpukpui bubu siwo míate ŋu azã atsɔ awɔ tɔtrɔyi alo adze nusɔsrɔ̃ gɔme to Biblia ɖeɖe dzi.

Mɔ ɖeka koe kplɔa ame yia agbe me. (Mt 7:13, 14) Esi míeɖea gbeƒã na ame siwo le subɔsubɔha vovovowo me kple ame siwo tso teƒe vovovowo ta la, ele be míaƒo nu tso Biblia me nyateƒe siwo adzɔ dzi na wo dometɔ ɖe sia ɖe la ŋu. (1Ti 2:4) Ne míeva bi ɖe Biblia me nyati vovovowo zazã kple “nyateƒenya la ŋu dɔ [wɔwɔ] pɛpɛpɛ” me la, dzi adzɔ mí geɖe eye míakpɔ dzidzedze le Biblia me nyateƒea fiafia ame bubuwo me.—2Ti 2:15.