Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Ale Si Nàwɔ Abi Ðe Ðaseɖiɖidɔa Me—Kpe Ðe Biblia Nusrɔ̃viwo Ŋu Be Woayi Ŋgɔ Aɖe Adzɔgbe Ahaxɔ Nyɔnyrɔ

Ale Si Nàwɔ Abi Ðe Ðaseɖiɖidɔa Me—Kpe Ðe Biblia Nusrɔ̃viwo Ŋu Be Woayi Ŋgɔ Aɖe Adzɔgbe Ahaxɔ Nyɔnyrɔ

NU SI TA WÒLE VEVIE: Hafi Yehowa nakpɔ ŋudzedze ɖe Biblia nusrɔ̃vi aɖe ŋu la, ele be wòatsɔ eƒe agbe aɖe adzɔgbe na Yehowa ahaxɔ nyɔnyrɔ. (1Pe 3:21) Yehowa kpɔa ame siwo nɔa agbe ɖe woƒe adzɔgbeɖeɖe nu la ta le gbɔgbɔ me. (Ps 91:1, 2) Yehowae Kristotɔwo ɖea adzɔgbe na ke menye na ame, dɔ alo habɔbɔ aɖeke o. Le esia ta, ele be nusrɔ̃viwo nasrɔ̃ ale si woalɔ̃ Yehowa ahakpɔ ŋudzedze ɖe eŋu.—Ro 14:7, 8.

ALE SI NÀWƆE:

  • Ne èle nu srɔ̃m kple wò nusrɔ̃vi la, midzro nu si fiam nusɔsrɔ̃a le mí tso Yehowa ŋu la me. De dzi ƒo nɛ be wòanɔ Biblia xlẽm gbe sia gbe ahanɔ gbe dom ɖa na Yehowa “ɣeawokatãɣi.”—1Te 5:17; Yak 4:8

  • De dzi ƒo na wò nusrɔ̃via be wòaɖo adzɔgbeɖeɖe kple nyɔnyrɔxɔxɔ eƒe gbɔgbɔmetaɖodzinu. Kpe ɖe eŋu hã be wòaɖo taɖodzinu siwo gbɔ anya ɖo kaba abe nyaŋuɖoɖo le kpekpeawo alo ɖaseɖiɖi na aƒelikawo kple dɔwɔhatiwo ene. Ðo ŋku edzi be Yehowa mezia ame aɖeke dzi be wòasubɔ ye o. Nyɔnyrɔxɔxɔ nye nu si ŋu ame ŋutɔ atso nya me le.—5Mo 30:19, 20

  • Kpe ɖe wò nusrɔ̃via ŋu be wòawɔ tɔtrɔ siwo hiã be wòado dzidzɔ na Yehowa ale be wòadze na nyɔnyrɔxɔxɔ. (Lod 27:11) Esi wònye be nɔnɔme kple nuwɔna aɖewo tea ŋu ƒoa ke ɖe to ɖe ame me ta la, ahiã be nàyi edzi anɔ kpekpem ɖe nusrɔ̃via ŋu be wòaɖe amenyenye xoxoa ɖa ahado yeyea. (Ef 4:22-24) Dzro “Biblia Le Amewo Ƒe Agbenɔnɔ Trɔm” ƒe nyati aɖewo siwo dzena le Gbetakpɔxɔ me la me kplii.

  • Gblɔ dzidzɔ siwo nèkpɔ esi nèle Yehowa subɔm la nɛ.—Yes 48:17, 18