Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Na Hehe Si Yehowa Nana La Naɖe Vi Na Wò

Na Hehe Si Yehowa Nana La Naɖe Vi Na Wò

NU SI TA WÒLE VEVIE: Yehowa, Nufiala Gãtɔ la naa hehe nyuitɔ kekeake mí. Efiaa ale si míawɔ be míaƒe agbenɔnɔ nanyo ɖe edzi la mí eye wòtoa esia dzi dzraa mí ɖo ɖe etsɔme wɔnuku aɖe ŋu, evɔ mexɔa ga aɖeke le mía si o! (Yes 11:6-9; 30:20, 21; Nyɖ 22:17) Yehowa toa hehe si wònaa mí dzi dzraa mí ɖo be míagblɔ gbedeasi si naa agbe la na amewo.—2Ko 3:5.

ALE SI NÀWƆE:

  • Tu ɖokuibɔbɔ ɖo.—Ps 25:8, 9

  • Lɔ̃ nàxɔ dɔdeasiwo le kwasiɖa domedome kpekpea me ale be nàwɔ mɔnukpɔkpɔ si zãm Yehowa le tsɔ le hehe nam amewo fifia la ŋu dɔ

  • Ðo gbɔgbɔmetaɖodzinuwo na ɖokuiwò.—Flp 3:13

  • Tsɔ nanewo sa vɔe be nàdze axɔ hehe bubuwo.—Flp 3:8

MIKPƆ VIDEO SI NYE YEHOWA ƑE NUFIAFIAWO WƆ MÍ KESINƆTƆWOE, EYOME MIAÐO BIABIA SIAWO ŊU:

  • Kuxi kawo dzie gbeƒãɖela aɖewo ɖu hafi te ŋu de Fiaɖuƒe Nyanyuigblɔlawo Ƒe Sukua?

  • Hehe kae Fiaɖuƒe Nyanyuigblɔlawo Ƒe Sukua nana ame?

  • Kpekpeɖeŋu kae hamea me tɔwo na sukuviawo le woƒe dɔdeasiawo me?

  • Nudidi kawo gbɔe wòle be ame naɖo hafi ade Fiaɖuƒe Nyanyuigblɔlawo Ƒe Sukua? (kr 189)

  • Hehe bubu kawoe nàgate ŋu axɔ le Yehowa ƒe habɔbɔa me?

Yayra kawoe nàkpɔ ne èɖe mɔ Yehowa na hehe wò?