DZEDZEME
Nuŋɔŋlɔ
Nɔnɔmetata

(Nyaɖeɖefia 14:6, 7)

  1. 1. Ɣeaɖeɣi la, Fiaɖuƒenya la nɔ ɣaɣla.

    Fifia woɖe dzidzimevia ŋu nya la fia.

    Nublanuikpɔkpɔ kple dzɔdzɔenyenye na be

    Mawu kpɔ nu vɔ̃ nɔnɔme si me míele.

    Eɖo tame be Via naɖu anyigba dzi.

    Ne ɣeyiɣia de la,

    Fiaɖuƒe la aɖu dzi.

    Akplɔ Via ƒe ŋugbetɔ la ava egbɔ;

    Ame tiatiawo ƒe ha sue la ŋu woakɔ.

  2. 2. Wogblɔ nya nyui si míele gbeƒã ɖem la ɖi.

    Ma’u ɖoe be yeaɖee fia le ɣeyiɣi sia dzi.

    Dzi dzɔa mawudɔlawo be wowɔa dɔ la,

    Kpena ɖe mía ŋu míeɖea gbeƒã Fiaɖuƒea.

    Dɔdeasi kple bubue wònye na mí egbea

    Be míadzi ha akafu

    Mawu ƒe ŋkɔ gã la.

    Eƒe ŋkɔ si le mía ŋu la nye bubu gã;

    Nya nyui mavɔ si míele gbeƒã ɖem la hã.