Dzo kpo yi emenuwo dzi

Dzo kpo yi emenuawo dzi

 B1

Nyati Vevi Si Le Biblia Me

DZEDZEME
Nuŋɔŋlɔ
Nɔnɔmetata

Yehowa koe dze aɖu dzi. Ale si wòɖua dzii la nye nyuitɔ kekeake. Tame si wòɖo ɖe anyigba la kple amegbetɔƒomea ŋu la ava eme.

Ƒe 4026 D.Y. megbe

“Da” la tsɔ nya ɖe Yehowa ƒe dzedze be wòaɖu dzi kple ale si wòɖua dzii ŋu. Yehowa do ŋugbe be yeana “dzidzimevi” aɖe nava eye wòagbã ta na da la, si nye Satana. (1 Mose 3:1-5, 15) Gake Yehowa ɖe mɔ na amegbetɔwo be woaɖu wo ɖokuiwo dzi le da la ƒe ŋusẽkpɔɖeamedzi te.

Ƒe 1943 D.Y.

Yehowa gblɔ na Abraham be “dzidzimevi” la anye eƒe dzidzimeviwo dometɔ ɖeka.—1 Mose 22:18.

Ƒe 1070 D.Y. megbe

Yehowa ka ɖe edzi na Fia David kple emegbe via Salomo be “dzidzimevi” ma adzɔ tso woƒe ƒomea me.—2 Samuel 7:12, 16; 1 Fiawo 9:3-5; Yesaya 9:6, 7.

Ƒe 29 K.Ŋ.

Yehowa ɖee fia be Yesue nye “dzidzimevi” si ŋugbe wodo, si nye David ƒe fiazikpuia ƒe Domenyila.—Galatiatɔwo 3:16; Luka 1:31-33; 3:21, 22.

 Ƒe 33 K.Ŋ.

Da la, si nye Satana, ɖu afɔkpodzi na “dzidzimevi” la ɣeyiɣi kpui aɖe, esime wòna wowu Yesu. Yehowa fɔ Yesu ɖe tsitre wòyi dziƒo eye Yehowa xɔ asixɔxɔ si le Yesu ƒe agbe deblibo la ŋu, si dzi Yehowa ate ŋu anɔ te ɖo atsɔ nu vɔ̃wo ake eye wòana agbe mavɔ Adam ƒe dzidzimeviwo.—1 Mose 3:15; Dɔwɔwɔwo 2:32-36; 1 Korintotɔwo 15:21, 22.

Ƒe 1914 K.Ŋ. lɔƒo

Yesu tsɔ da la, si nye Satana, ƒu gbe ɖe anyigba be wòanɔ anyi hena ɣeyiɣi kpui aɖe.—Nyaɖeɖefia 12:7-9, 12.

Etsɔme

Yesu ade ga Satana ƒe 1,000 eye wòatsrɔ̃e emegbe, si fia be egbã ta nɛ. Tame si Yehowa ɖo ɖe anyigbaa kple amegbetɔƒomea ŋu tso gɔmedzedzea la ava eme, woakɔ eƒe ŋkɔ si wodo vloe la ŋuti, eye woaʋli ale si wòɖua dzii la ta.—Nyaɖeɖefia 20:1-3, 10; 21:3, 4.