Dzo kpo yi emenuwo dzi

Dzo kpo yi emenuawo dzi

Yona 3:1-10

EMENYAWO ƑE TOTOƉEME

  • Yona ɖo to Mawu, eye wòyi Niniwe (1-4)

  • Niniwetɔwo trɔ dzi me esi wose Yona ƒe gbedeasia (5-9)

  • Mawu ɖoe be yematsrɔ̃ Niniwe o (10)

3  Eye Yehowa ƒe gbe va na Yona zi evelia be:+  “Tso nàyi Niniwe,+ du gã la me, eye nàɖe gbeƒã gbedeasi si megblɔ na wò la nɛ.”  Eya ta Yona ɖo to, eye wòtso yi Niniwe+ le Yehowa ƒe nya la nu.+ Ke Niniwe nye du gã aɖe,* eye ŋkeke etɔ̃e woazɔ hafi ate ŋu akpee ɖo.  Eye Yona yi du la me hezɔ ŋkeke ɖeka to dua me nɔ gbeƒã ɖem be: “Esusɔ ŋkeke blaene ko ne woatsrɔ̃ Niniwe.”  Ale Niniwetɔwo xɔ Mawu dzi se,+ eye woɖe gbeƒã be ame sia ame, tso tsitsiawo dzi va se ɖe ɖeviwo dzi, natsi nu adɔ ata akpanya.  Esi gbedeasia ɖo Niniwe-fia gbɔ la, etso le eƒe fiazikpui dzi heɖe eƒe fiawu ɖi, eye wòta akpanya hebɔbɔ nɔ dzofi me.  Azɔ hã ena woɖe gbeƒã le Niniwe ɖe fia la kple eƒe amegãwo ƒe sededea nu be,“Amegbetɔwo alo lãwo, eɖanye nyi alo alẽ o, dometɔ aɖeke megade naneke nu me o. Womegaɖu nu loo alo ano tsi o.  Amegbetɔwo kple lãwo siaa nata akpanya; eye woaƒo koko na Mawu, eye woaɖe asi le woƒe zɔzɔme vɔ̃ɖi kple ŋutasẽnuwɔwɔwo ŋu.  Ðewohĩ Mawu vavã la agbugbɔ abu nu si wòɖo be yeawɔ la ŋu,* eye wòaɖe asi le eƒe dɔmedzoe helĩhelĩ la ŋu be míagatsrɔ̃ o!” 10  Esi Mawu vavã la kpɔ nu si wowɔ, ale si woɖe asi le woƒe zɔzɔme vɔ̃ɖi la ŋu la,+ Mawu vavã la gbugbɔ bu vɔ̃ si wòbe yeahe vɛ la ŋu,* eye megahee vɛ o.+

Etenuŋɔŋlɔ

Egɔmeɖeɖe tẽe, “du gã aɖe le Mawu ŋkume.”
Alo, “Ðewohĩ nu si Mawu vavã la ɖo be yeawɔ la avee.”
Alo, “vɔ̃ la ve Mawu vavã la.”