Dzo kpo yi emenuwo dzi

Dzo kpo yi emenuawo dzi

Yona 2:1-10

EMENYAWO ƑE TOTOƉEME

  • Yona do gbe ɖa le tɔmelã la ƒe dɔ me (1-9)

  • Tɔmelã la dzɔ Yona ɖe gota (10)

2  Eye Yona do gbe ɖa na eƒe Mawu Yehowa tso ƒumelã la ƒe dɔme,+  eye wògblɔ be: “Medo ɣli yɔ Yehowa le nye xaxa me, eye wòtɔ nam.+ Medo ɣli tso Tsiẽƒe* ʋĩi* ke be nàxɔ nam.+ Èse nye gbe.   Esi nètsɔm ƒu gbe ɖe gogloeƒe, ɖe atsiaƒu titina la,Ƒu dzeagbo la ŋe tsyɔ dzinye.+ Wò tsi kpakawo kple ƒutsotsoewo katã to tanye yi.+   Eye megblɔ be: ‘Wonyam ɖa le ŋkuwòme! Aleke mawɔ agakpɔ wò gbedoxɔ kɔkɔe la?’   Tsiwo ŋe tsyɔ dzinye eye nye agbe ɖo afɔku me;*+Tsi goglo la nyè tsyɔm. Gbewo xatsa ɖe ta nam.   Meyi to de towo ƒe agunu ke. Anyigba ƒe gametiwo do ɖe nunye tegbee,Ke èɖe nye agbe do goe tso do la me, Oo Yehowa nye Mawu.+   Esi nye agbe* nu nɔ tsotsom la, Yehowae nye Ame si dzi meɖo ŋkui.+ Eye nye gbedodoɖa ɖo gbɔwò le wò gbedoxɔ kɔkɔe la me.+   Ame siwo ku ɖe legba maɖinuwo ŋu la gblẽ woƒe lɔlɔ̃ vavã* tsoƒe ɖi.   Ke nye la matsɔ akpedagbe akafu wò eye masa vɔ na wò. Mawɔ adzɔgbe si meɖe la dzi.+ Yehowa gbɔe xɔname tsona.”+ 10  Eye Yehowa de se na tɔmelã la, ale wòyi ɖadzɔ Yona ɖe gota.

Etenuŋɔŋlɔ

Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Egɔmeɖeɖe tẽe, “ƒe dɔme.”
Alo, “Tsiwo ɖe to ɖem de keke nye luʋɔ gbɔ.”
Alo, “luʋɔ.”
Agate ŋu afia, “woƒe nuteƒewɔwɔ.”