Yesaya 8:1-22

  • Asiriatɔwo ƒe amedzidzedze (1-8)

    • Maher-Salal-Has-Baz (1-4)

  • Migavɔ̃ o—“Mawu li kpli mí!” (9-17)

  • Yesaya kple viawo nye dzesi (18)

  • Mitrɔ ɖe sea ŋu, ke menye ɖe gbɔgbɔ vɔ̃wo ŋu o (19-22)

8  Eye Yehowa gblɔ nam be: “Tsɔ nuŋlɔkpe gã aɖe,+ eye nàtsɔ nuŋlɔti* aŋlɔ ɖe edzi be: ‘Maher-Salal-Has-Baz.’*  Eye na nye ɖasefo wɔnuteƒe, siwo nye nunɔla Uriya+ kple Zakariya, Yeberekiya vi, naŋlɔ nu aɖo kpe edzi.”*  Eye medɔ kple nyɔnunyagblɔɖila la,* eye wòfɔ fu dzi ŋutsuvi.+ Eye Yehowa gblɔ nam be: “Tsɔ ŋkɔ nɛ be Maher-Salal-Has-Baz,  elabena hafi ɖevi la nanya ‘Papa!’ kple ‘Dada!’ yɔyɔ la, woalɔ Damasko ƒe kesinɔnuwo kple Samaria ƒe aboyonuwo ayi Asiria-fia gbɔe.”+  Yehowa gagblɔ nam be:   “Esi dukɔ sia gbe Siloa* tsi siwo sina blewu,+Eye wole aseye tsom ɖe Rezin kple Remaliya vi+ ŋu ta la,   Kpɔ ɖa, Yehowa akplɔTɔsisi* la ƒe tsi gã sẽŋuawo,Siwo nye Asiria-fia+ kple eƒe bubu la katã, ava ƒo ɖe wo dzi. Ayɔ eƒe tɔʋuwo katã me,Eye eƒe tɔgowo katã agbagba   Eye wòasi ato Yuda. Aɖɔ agbagba asi ava yi, aɖɔ va se ɖe ve ke.+Oo Imanuel,*+Eƒe aʋala siwo ke la, asɔ ɖe wò anyigba ƒe kekeme nu!”   Oo, dukɔwo, miwɔ vɔ̃, gake woagbã mi gudugudu; Mi ame siwo katã le didiƒewo le anyigba dzi la, miƒu to anyi! Mibla aʋakpa,* gake woagbã mi gudugudu!+ Mibla aʋakpa, gake woagbã mi gudugudu! 10  Mide adaŋu, gake woagblẽ eme. Migblɔ nya sia nya si dze mia ŋu, gake madze edzi o,Elabena Mawu li kpli mí.*+ 11  Yehowa ƒe asi sẽ ɖe dzinye eye wògbe nam be magazɔ dukɔ sia ƒe mɔ dzi o hegblɔ nam be: 12  “Migayɔ nu si dukɔ sia le yɔyɔm be, ‘Nugbeɖoɖo!’ la be ‘Nugbeɖoɖo!’ o, Migavɔ̃ nu si vɔ̃m wole la o;Eye megadzi ŋɔ na mi o. 13  Aʋakɔwo ƒe Yehowa ye miabu Ame kɔkɔe,+Eyae miavɔ̃,Eye eyae nye ame si wòle be wòadzi ŋɔ na mi.”+ 14  Azu kɔkɔeƒe;Gake anye kpe si woakliKple agakpeSi Israel ƒe aƒe eveawo akli,+Eye wòanye mɔ̃ kple adoboliNa Yerusalem nɔlawo. 15  Wo dometɔ geɖewo akli nu adze anyi ahaŋe,Eye woatre mɔ̃ na wo aɖe wo. 16  Bla ɖaseɖiɖi ƒe nuŋlɔɖi* la;Tre se* la nu le nye nusrɔ̃lawo dome! 17  Manɔ Yehowa, ame si ɣla eƒe ŋkume ɖe Yakob ƒe aƒe+ la, sinu kpɔm,*+ eye manɔ mɔ kpɔm nɛ. 18  Kpɔ ɖa! Nye kple vi siwo Yehowa nam la,+ míenye dzesi+ kple nukunu le Israel tso aʋakɔwo ƒe Yehowa, ame si le Zion To dzi la gbɔ. 19  Eye ne wogblɔ na mi be: “Mibia nu ŋɔliyɔlawo alo nukalawo, ame siwo nɔa ŋɔtimegbee kple dalĩ dom” la, ɖe dukɔ mabia nu eƒe Mawu oa? Ðe woabia nu ta se le kukuawo gbɔ na agbagbeawoa?+ 20  Ele be woatrɔ ɖe se la kple ɖaseɖiɖi ƒe nuŋlɔɖi* la boŋ ŋu! Ne womeƒo nu alea o la, womakpɔ kekeli o.*+ 21  Wo dometɔ ɖe sia ɖe anɔ tsaglãla tsam le anyigba la dzi, nu ate eŋu, eye dɔ awui;+ esi dɔ le ewum, eye wòdo dziku ta la, afɔ mo dzi ado ɖiŋu na Fia la kple eƒe Mawu. 22  Eye ne etrɔ mo ɖe anyigba dzi la, xaxa kple viviti, tsizi, nɔnɔme sesẽwo kple blukɔ tsiɖitsiɖi si me kekeli aɖeke mele o la koe wòakpɔ.

Etenuŋɔŋlɔ

Egɔmeɖeɖe tẽe, “nàtsɔ amegbetɔ ƒe nuŋlɔti.”
Ðewohĩ egɔmee nye, “Ablaɖeɖe Yi Aboyonu Gbɔ, Nuhaha Gbɔ Yiyi Kaba.”
Alo, “naɖi ɖase le eŋu.”
Egɔmeɖeɖe tẽe, “Mete ɖe nyɔnunyagblɔɖila (Yesaya srɔ̃ ye wowɔnɛ) ŋu.”
Siloa nye tɔʋu si woɖe.
Efia, Frat-tɔsisi.
Kpɔ Ye 7:14.
Alo, “Mibla ali dzi.”
“Mawu li kpli mí” nye Hebrigbe me nya Imanuel ƒe gɔmeɖeɖe. Kpɔ Ye 7:14; 8:8.
Alo, “Bla ɖaseɖiɖi.”
Alo, “mɔfiame.”
Alo, “lalam vevie.”
Alo, “kple ɖaseɖiɖi.”
Egɔmeɖeɖe tẽe, “agu madze na wo o.”