Yesaya 52:1-15

  • Oo Zion, Nyɔ! (1-12)

    • Du nyui xɔla ƒe afɔwo nya kpɔ (7)

    • Zion ƒe gbetakpɔlawo katã do ɣli (8)

    • Ele be Yehowa ƒe nutsɔlawo nanɔ kɔkɔe (11)

  • Woado Yehowa subɔla ɖe dzi (13-15)

    • Dzedzeme si vloe (14)

52  Nyɔ! Oo Zion, Nyɔ! Ne nàta wò ŋusẽ!+ Oo, du kɔkɔe Yerusalem, do wò awu dzeaniwo!+ Elabena aʋamatsomatsotɔ kple ame makɔmakɔ magava mewò azɔ o.+   Oo Yerusalem, ʋuʋu ke le ɖokuiwò ŋu, tso nàbɔbɔ nɔ anyi. Oo, Zion vinyɔnu si woɖe aboyoe, ɖe ga si wode kɔ na wò la ɖi.+   Elabena ale Yehowa gblɔe nye esi: “Wotsɔ mi dzra naneke maxɔmaxɔe,+Eye menye ga tsɔ ge woala agbugbɔ aƒle mi o.”+   Elabena ale Aƒetɔ Dziɖulagã Yehowa gblɔe nye esi: “Egipte ye nye dukɔ la yi ɖanye amedzro le gbã;+Emegbe Asiria te wo ɖe anyi yakatsyɔ.”   Yehowa be: “Azɔ nu kae mawɔ le nɔnɔmea ŋu? Elabena wokplɔ nye amewo dzoe naneke manamanae. Yehowa be: Wo dzi ɖulawo le aseye tsom,+Eye wole vlo dom nye ŋkɔ gbe sia gbe.+   Esia ta nye dukɔ adze si nye ŋkɔ;+Esia ta woadze sii gbe ma gbe be nyee nye Ame si le nu ƒom. Kpɔ ɖa! Nyee!”   Du nyui xɔla ƒe afɔwo nya kpɔ le towo dzi loo,+Eya, ame si ɖea gbeƒã ŋutifafa,+Ame si hea nu si nyo wu ŋuti nya nyui vanɛ,Ame si ɖea gbeƒã xɔname,Ame si gblɔ na Zion be: “Wò Mawu zu Fia!”+   Se ɖa! Wò gbetakpɔlawo ƒe gbe de dzi. Wo katã wokɔ woƒe gbewo dzi do dzidzɔɣli;Elabena ne Yehowa kplɔ Zion gbɔe la, woakpɔe kple woƒe ŋkuwo.   Mi Yerusalem ƒe aƒedowo, mi katã mido dzidzɔɣli,+Elabena Yehowa fa akɔ na eƒe dukɔ la;+ egbugbɔ Yerusalem ƒle.+ 10  Yehowa klo nu le eƒe alɔ kɔkɔe la ŋu le dukɔwo katã ŋkume;+Eye anyigba ƒe mlɔenuwo katã akpɔ mía Mawu ƒe xɔxɔdɔwo.*+ 11  Mite ɖa, mite ɖa, miʋu tso afi ma,+ migaka asi nu makɔmakɔ aɖeke ŋu o!+ Mido go le eme,+ miwɔ mia ɖokui kɔkɔe,Mi Yehowa ƒe nutsɔlawo.+ 12  Elabena miatsɔ dzitsitsi aʋu adzo o,Eye menye sisi ge miala adzo o,Elabena Yehowa adze mia ŋgɔ,+Eye Israel ƒe Mawu la axe megbe na mi.+ 13  Kpɔ ɖa! Nye dɔla+ awɔ nu le gɔmesese deto me. Woadoe ɖe dzi,Woado kɔkɔe, eye woado gãe.+ 14  Ale si ame geɖewo ƒe nu ku le eŋuti la,—Elabena eƒe dzedzeme vloe wu ame bubuwo katã tɔ sãsãsã,Eye eƒe kpɔkpɔme vloe wu amegbetɔviwo tɔ kura— 15  Nenema kee wòado voɖi na dukɔ geɖewo.+ Fiawo ƒe nu ade ga le eŋkume,+Elabena nu si ŋu nya womegblɔ na wo kpɔ o lae woakpɔ,Eye nu si womese kpɔ o la ŋue woatrɔ susu ɖo.+

Etenuŋɔŋlɔ

Alo, “aʋadziɖuɖu.”