Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Yesaya 27:1-13

EMENYAWO ƑE TOTOƉEME

  • Yehowa wu Leviatan (1)

  • Hadzidzi ɖe Israel si le abe waingble ene la ŋu (2-13)

27  Gbe ma gbe la, Yehowa atsɔ eƒe yi gã titri sesẽ la+Atrɔ ɖe Leviatan,* da si le yiyim mii,Leviatan, da si le yiyim gɔdɔgɔdɔ̃ la ŋu,Eye wòawu ƒumelã klitsu si le atsiaƒu me la.   Gbe ma gbe la, midzi ha nɛ be:* “Waingble si ƒe wain tsɔa fu!+   Nye, Yehowa, mele eŋu dzɔm.+ Medea tsii ɣesiaɣi.+ Medzɔa eŋu zã kple keli,Ale be ame aɖeke nagagblẽ edome o.+   Dzi megale kuyem o.+ Ame kae atsɔ ŋù kple gbe akpem le aʋa la me? Matu afɔ wo dzi ahatɔ dzo wo katã zi ɖeka.   Negbe ɖeko wòatrɔ ɖe nye mɔ́ sesẽ la ŋu. Ne wòawɔ ŋutifafa kplim;Ŋutifafa ko wòawɔ kplim hafi.”   Le ŋkeke siwo gbɔna me la, Yakob ato ke,Israel adze ahaƒo se,+Eye woƒe kutsetsewo ayɔ anyigba la dzi fũu.+   Ðe woaƒoe abe ale si woƒo eƒolawo enea? Alo ɖe woawui abe ale si wowu eƒe amewo enea?   Ne èle enyam ɖa la, àtsɔ ŋɔdziɣli awɔ avu kplii. Atsɔ eƒe ya sesẽ la akplɔe ɖa le gbe si gbe ɣedzeƒeya ƒo.+   Eya ta alea ko woawɔ hafi alé avu ɖe Yakob ƒe vodada ta,+Eye ne eɖe eƒe nu vɔ̃ ɖa la, kutsetse si ado tso emee nye esi: Agbã vɔsamlekpui la ƒe kpewo katãAbe akalokpe siwo wotu la ene,Eye womagblẽ Aserawo* kple nu siwo dzi wodoa dzudzɔ ɖo la ƒe ɖeke ɖi o.+ 10  Elabena du sesẽ la aɖi gbɔlo;Woaɖe asi le lãnyiƒewo ŋu, eye woagblẽ wo ɖi abe gbegbe ene.+ Nyivi aɖu gbe le afi ma, eye afi mae wòatsyɔ akɔ ɖo;Eye wòaɖu eƒe atilɔwo keŋkeŋ.+ 11  Ne eƒe alɔawo ƒu la,Nyɔnuwo ava ŋe woAtsɔ wo ado dzoe. Elabena dukɔ masenugɔmee wònye.+ Esia tae wo Wɔla makpɔ nublanui na wo o,Eye Ame si mè wo la mave wo nu o.+ 12  Gbe ma gbe la, Yehowa aƒo kutsetseawo woadudu tso Tɔsisi* la nu va se ɖe Egipte-tɔʋu la nu,+ eye woafɔ mi ɖekaɖeka, mi Israel-viwo.+ 13  Gbe ma gbe la, woaku lãdzo gã aɖe,+ eye ame siwo le tsɔtsrɔ̃m le Asiria-nyigba+ dzi kple ame siwo kaka ɖe Egipte-nyigba+ dzi la ava de ta agu na Yehowa le to kɔkɔe la dzi le Yerusalem.+

Etenuŋɔŋlɔ

Ðewohĩ Israel ye wowɔnɛ, woƒo nu tso eŋu le afi sia abe nyɔnu ene, eye wotsɔe sɔ kple waingble.
Efia, Frat-tɔsisi.