Dzo kpo yi emenuwo dzi

Dzo kpo yi emenuawo dzi

Yesaya 25:1-12

EMENYAWO ƑE TOTOƉEME

  • Yayra nyui siwo ava Mawu ƒe amewo dzi (1-12)

    • Yehowa tsɔ wain nyuitɔwo ɖo kplɔ̃e (6)

    • Woami ku (8)

25  Oo Yehowa, wòe nye nye Mawu. Medo wò ɖe dzi, mekafu wò ŋkɔ,Elabena èwɔ nukunuwo,+Nu siwo nèɖo tso blema ke,+Le nuteƒewɔwɔ+ kple nyateƒe me.   Elabena èna du la zu aƒedo,Du sesẽ la zu glikpo, Du bubu me tɔwo ƒe mɔ́ sesẽ meganye du azɔ o,Womagagbugbɔe atso akpɔ o.   Esia tae dukɔ sesẽwo akafu wò;Dukɔ sẽŋutawo ƒe duwo avɔ̃ wò.+   Elabena èzu mɔ́ sesẽ na ame tsɛ,Mɔ́ sesẽ na ame dahe le eƒe xaxa me,+Sitsoƒe tso yatsi nu,Kple vɔvɔli tso dzoxɔxɔ nu.+ Ne ŋutasẽla ƒe gbɔgbɔ fuxefuxe le abe yatsie le ƒoƒom ɖe gli ŋu ene,   Abe dzoxɔxɔ le kuɖiɖinyigba dzi ene hã la,Àna ame tutɔwo ƒe hoowɔwɔ nayi to. Ale si alilikpo ƒe vɔvɔli nana dzoxɔxɔ ɖiɖina la,Nenemae ŋutasẽlawo ƒe haƒoƒo nu atsii.   Aʋakɔwo ƒe Yehowa aɖo kplɔ̃ na dukɔwo le to sia dzi,+Atsɔ nuɖuɖu damiwo aɖo kplɔ̃,+Atsɔ wain nyuitɔwo* aɖo kplɔ̃,Nuɖuɖu dami siwo me ƒutomemi le,Wain siwo me dzae wòatsɔ aɖo kplɔ̃ lae.   Aɖe nutsyɔnu* si tsyɔ dukɔwo katã dziKple avɔ* si tsyɔ dukɔwo katã dzi la ɖa le to sia dzi.   Ami ku* tegbee,+Eye Aƒetɔ Dziɖulagã Yehowa atutu aɖatsi ɖa le ŋkuwo katã me.+ Aɖe eƒe dukɔ ƒe ŋukpe ɖa le anyigba bliboa dzi,Elabena Yehowa ŋutɔe gblɔe.   Gbe ma gbe la, woagblɔ be: “Kpɔ ɖa! Mía Mawue nye esi!+ Míeda míaƒe mɔkpɔkpɔ ɖe eya amea dzi,+Eyae aɖe mí.+ Yehowae nye esi! Míeda míaƒe mɔkpɔkpɔ ɖe eya amea dzi. Mina míatso aseye, eye míakpɔ dzidzɔ ɖe eƒe xɔname ŋu.”+ 10  Elabena Yehowa ƒe asi anɔ to sia dzi,+Eye woafanya Moab ɖe enɔƒe+Abe ale si wofanyaa gbe ɖe aɖu si woli kɔe me ene. 11  Ake abɔ aƒo Moab,Abe ale si tsiƒula kea abɔ me ƒua tsii ene,Eye wòatsɔ eƒe asiwo aƒoe aɖaŋutɔeAtsɔ abɔbɔ eƒe dada ɖe anyi.+ 12  Amu du sesẽ la kple eƒe gli kɔkɔ siwo kpɔa eta laAƒu anyi;Abɔbɔe ɖe anyi ava ɖo keke anyigba ke, eye wòatee ɖe ke me.

Etenuŋɔŋlɔ

Alo, “wain siwo ɖo ƒã.”
Egɔmeɖeɖe tẽe, “Ami nutsyɔnu.”
Alo, “motsyɔnu.”
Alo, “Aɖe ku ɖa.”