Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Yeremiya 49:1-39

EMENYAWO ƑE TOTOƉEME

  • Nya ɖe Amon ŋu (1-6)

  • Nya ɖe Edom ŋu (7-22)

    • Edom maganye dukɔ anɔanyi o (17, 18)

  • Nya ɖe Damasko ŋu (23-27)

  • Nya ɖe Kedar kple Hazor ŋu (28-33)

  • Nya ɖe Elam ŋu (34-39)

49  Ðe Amonitɔwo ŋu,+ ale Yehowa gblɔe nye esi: “Ðe viŋutsu aɖeke mele Israel si oa? Ðe domenyila aɖeke mele esi oa? Nu ka tae Malkam+ xɔ Gad wòzu etɔ?+ Eye nu ka tae eƒe amewo le Israel ƒe duwo me?”   “Yehowa be: ‘Eya ta kpɔ ɖa, ŋkekewo li gbɔna,Esime mana aʋaɣli naɖi ɖe Amonitɔwo+ ƒe du Raba+ ŋu. Azu anyiglãgo ɖeɖe sɔŋ,Eye woatɔ dzo eŋu duwo.’ ‘Israel axɔ ame siwo nyae de gbe la ƒe anyigbawo wòazu etɔ,’+ Yehowa ye gblɔe.   “‘Hesbon, fa avi vevie, elabena woda adzo Ai! Oo Raba ŋu duwo, mido ɣli. Mita akpanya. Mifa avi vevie, eye minɔ tsatsam le lãwo ƒe glikpɔwo* dome,Elabena woakplɔ Malkam ayi aboyo meHekpe ɖe eƒe trɔ̃nuawo kple eƒe amegãwo ŋu.+   Nu ka tae nèle adegbe ƒom le bali la ŋu,Le wò bali si me tsi le sisim le la ŋu, Oo, vinyɔnu mawɔnuteƒe,Wò ame si le dzi ɖom ɖe wò kesinɔnuwo ŋu,Le gbɔgblɔm be: “Ame kae ava dze dzinye?”’”   “Aƒetɔ Dziɖulagã, aʋakɔwo ƒe Yehowa be: ‘Kpɔ ɖa, mehe ŋɔdzinu aɖeTso ame siwo katã ƒo xlã wò la gbɔ gbɔna dziwò. Woaka mi ahlẽ le goawo katã me,Eye ame aɖeke maƒo ame siwo si la nu ƒu o.’”   “‘Ke emegbe la, maƒo Amonitɔwo ƒe aboyomeawo nu ƒu,’ Yehowa ye gblɔe.”  Ðe Edom ŋu, ale aʋakɔwo ƒe Yehowa gblɔe nye esi: “Ðe nunya aɖeke megale Teman oa?+ Ðe aɖaŋuɖoɖo nyui bu ɖe nugɔmeselawoa? Ðe woƒe nunya ƒaƒãa?   Misi, migbugbɔ ɖe megbe! Oo Dedan+ nɔlawo, miyi ɖabe ɖe to me! Elabena mahe gbegblẽ ava Esau dzi,Ne ɣeyiɣi de be matrɔ susu ɖe eŋu.   Ne waintsetsexalawo ƒo ɖe dziwò la,Ðe womagblẽ nuku aɖewo ɖi be amewo nafɔ oa? Ne fiafiwo va le zã me la,Woagblẽ nu dome va se ɖe afi aɖe ko.+ 10  Ke maɖe ama Esau. Maklo nu le afi si wòbe ɖo la dzi,Ale be mate ŋu aɣla eɖokui o. Woatsrɔ̃ viawo, nɔviawo kple eƒe aƒelikawo,+Eye enu ayi.+ 11  Gblẽ wò tsyɔ̃eviwo ɖi,Eye maxɔ wo ɖe agbe,Eye wò ahosiwo aɖo ŋu ɖe ŋunye.” 12  Elabena ale Yehowa gblɔe nye esi: “Kpɔ ɖa! Ne ame siwo womebu fɔe be woano kplua o noe la, ɖe woagblẽ wò ya ɖi tomahemahea? Womagblẽ wò ɖi tomahemahee o, ke boŋ ànoe godoo.”+ 13  Yehowa be: “Elabena metà ɖokuinye be, Bozra azu ŋɔdzinu,+ vlodonu, aƒedo kple ɖiŋudonu ɖeɖe sɔŋ; eƒe duwo katã azu gbegbe ɖikaa.”+ 14  Mese nya aɖe tso Yehowa gbɔ,Woɖo ame ɖe dukɔwo dome be: “Miƒo takpli miaho ɖe eŋu;Midzra ɖo ɖe aʋa ŋu.”+ 15  “Kpɔ ɖa, mena nèle sue le dukɔwo dome,Eye nèzu vlodonu le amegbetɔwo dome.+ 16  Ŋɔdzi si nèdo na amewoKple wò dzi ƒe dada ble wò,Wò ame si le agato me,Eye nèle togbɛ kɔkɔtɔ kekeake dzi. Ne èwɔ atɔ ɖe kɔkɔƒe abe hɔ̃ ene hã la,Matutu wò aƒu anyi tso afi ma,” Yehowa ye gblɔe. 17  “Edom azu ŋɔdzinu.+ Ame sia ame si ato eŋu ava yi la ƒe nu aku, eye wòalia aku ɖe fuwɔame siwo katã va edzi la ta. 18  Ame aɖeke manɔ afi ma o, eye ame aɖeke matso aƒe ɖe afi ma o, abe ale si ko wotrɔ Sodom kple Gomora kpakple du siwo ƒo xlã wo la bu anyii ene,”+ Yehowa ye gblɔe. 19  “Kpɔ ɖa! Ame aɖe ado abe ale si dzata+ dona tso ave dodo siwo le Yordan ŋu me ene atso ɖe gbeɖuƒe siwo le dedie la ŋu, ke mana wòasi le egbɔ le aɖabaƒoƒo ɖeka me. Ame si wotia la, eyae matsɔ aɖo enu. Elabena ame kae de nunye, eye ame kae aʋli ho kplim? Lãkplɔvi kae ate ŋu atɔ ɖe ŋkunyeme?+ 20  Eya ta mise Yehowa ƒe nyametsotso* le Edom ŋu kple tame siwo wòɖo ɖe Teman+ nɔlawo ŋu: Vavãe, woahe lãha la ƒe viwo adzoe. Eye wòana woƒe nɔƒe nazu aƒedo le wo ta.+ 21  Anyigba ʋuʋu le woƒe anyidzedze ƒe ɖiɖi ta. Ɣli ɖi! Wose eƒe ɖiɖi le keke Ƒudzĩ+ la nu ke. 22  Kpɔ ɖa! Ame aɖe ayi dzi ʋĩi abe hɔ̃ ene ade agba anyi,+Eye wòakeke eƒe aʋalawo me aɖadze Bozra+ dzi. Gbe ma gbe la, Edom ƒe aʋawɔlawo ƒe dziAnɔ abe nyɔnu si le ku lém ƒe dzi ene.” 23  Ðe Damasko ŋu:+ “Ŋukpe lé Hamat+ kple Arpad,Elabena wose nya vɔ̃. Vɔvɔ̃ na dzi ɖe le wo ƒo. Atsiaƒu tsi dzodzodzoe, mate ŋu adze akɔ anyi o. 24  Dzi ɖe le Damasko ƒo. Etrɔ be yeasi, gake dzidzi ƒoe. Ele nu xam hele veve semAbe nyɔnu si le ku lém ene. 25  Aleke wòdzɔe be womegblẽ kafukafudu,Si nye aseyetsodu la ɖi o? 26  Elabena eƒe ɖekakpuiwo aku atsi eƒe ablɔwo me,Eye eƒe aʋawɔlawo katã nu ayi gbe ma gbe,” aʋakɔwo ƒe Yehowa ye gblɔe. 27  “Matɔ dzo Damasko ƒe gli la,Eye wòafiã Ben-Hadad ƒe mɔ́ sesẽwo.”+ 28  Nya ɖe Kedar+ kple Hazor-fiaɖuƒe siwo dzi Babilon-fia Nebukadnezar* ɖu la ŋu: Ale Yehowa gblɔe nye esi: “Miho yi Kedar,Eye mitsrɔ̃ Ɣedzeƒeviwo. 29  Woaxɔ woƒe agbadɔwo kple woƒe alẽhawo,Woƒe agbadɔvɔwo kple woƒe nuwo katã. Woakplɔ woƒe kposɔwo adzoe,Eye woado ɣli ɖo ɖe wo be, ‘Ŋɔdzi li godoo va kpe!’” 30  Yehowa be: “Mi Hazor nɔlawo, misi yi didiƒe! Miyi ɖaɣla ɖe agu me. Elabena Babilon-fia Nebukadnezar* de adaŋu ɖe mia ŋu,Eye wòɖo tame aɖe ɖe mia ŋu.” 31  Yehowa be: “Mitso, miho ɖe dukɔ si le ŋutifafa me,Eye wòli bɔkɔɔ la ŋu!” “Agbo kple gameti mele eŋu o; wosa ɖe aga. 32  Woƒe kposɔwo azu nuhaha,Eye woƒe lãha gbogboawo azu aboyonu. Maka logloƒlɔlawo+Ahlẽ ɖe ya sia ya nu,*Eye mahe gbegblẽ tso goawo katã me ava wo dzi,” Yehowa ye gblɔe. 33  “Hazor azu agbotoewo nɔƒe,Azu gbegbe tegbee. Ame aɖeke manɔ afi ma o,Eye ame aɖeke matso aƒe ɖe afi ma o.” 34  Esiae nye Yehowa ƒe gbe si va na nyagblɔɖila Yeremiya ɖe Elam+ ŋu, le Yuda-fia Zedekiya+ ƒe fiaɖuɖu ƒe gɔmedzedzea me: 35  “Ale aʋakɔwo ƒe Yehowa gblɔe nye esi: ‘Kpɔ ɖa, maŋe Elam+ ƒe dati, si nye woƒe ŋusẽ tsoƒe.* 36  Makplɔ ya eneawo tso dziƒo ƒe go eneawo dzi ava ƒo ɖe Elam dzi, maka wo ahlẽ ɖe ya siawo katã nu. Eye dukɔ aɖeke manɔ anyi, si me Elam ƒe ame siwo ka hlẽ la mayi o.’” 37  “Mana ŋɔdzi nalé Elamtɔwo le woƒe futɔwo kple ame siwo le didim be yewoaɖe woƒe agbe* ɖa la ŋkume; mahe vɔ̃, si nye dziku helĩhelĩ, ava wo dzi. Madɔ yi ɖe wo yome va se ɖe esime metsrɔ̃ wo vɔ keŋkeŋ,” Yehowa ye gblɔe. 38  Yehowa be: “Mali nye fiazikpui ɖe Elam,+ eye matsrɔ̃ fia kple amegãwo siaa ɖa le afi ma.” 39  “Ke le ŋkeke mlɔeawo me la, maƒo Elam ƒe aboyomeawo nu ƒu,” Yehowa ye gblɔe.

Etenuŋɔŋlɔ

Alo, “le alẽkpowo.”
Alo, “adaŋu si wòde.”
Egɔmeɖeɖe tẽe, “Nebukadrezar,” esia nye ŋkɔ Nebukadnezar ŋɔŋlɔ bubui.
Egɔmeɖeɖe tẽe, “Nebukadrezar,” esia nye ŋkɔ Nebukadnezar ŋɔŋlɔ bubui.
Alo, “go sia go me.”
Egɔmeɖeɖe tẽe, “ŋusẽ ƒe gɔmedzedze.”
Alo, “luʋɔ.”