Dzo kpo yi emenuwo dzi

Dzo kpo yi emenuawo dzi

Yeremiya 43:1-13

EMENYAWO ƑE TOTOƉEME

  • Ameawo meɖo to o, woyi Egipte (1-7)

  • Yehowa ƒe gbe va na Yeremiya le Egipte (8-13)

43  Esi Yeremiya gblɔ Yehowa woƒe Mawu ƒe nya siawo katã na dukɔ bliboa, nya sia nya si Yehowa woƒe Mawu dɔe be wòagblɔ na wo vɔ la,  Azariya, Hosaya vi kple Yohanan,+ Karea vi kpakple dadalawo katã gblɔ na Yeremiya be: “Alakpa dam nèle! Yehowa mía Mawu medɔ wò be nàgblɔ be: ‘Migayi Egipte aɖanɔ afi ma o.’  Ke boŋ Baruk,+ Neriya vi ye le ʋu yɔm ɖe tewò ɖe mía ŋu, ne woatsɔ mí ade asi na Kaldeatɔwo, ale be woawu mí alo aɖe aboyo mí ayi Babilon.”+  Eya ta Yohanan, Karea vi kple aʋakplɔlawo katã kpakple dukɔ blibo la meɖo to Yehowa ƒe gbe be woanɔ Yuda-nyigba dzi o.  Ale Yohanan, Karea vi kple aʋakplɔlawo katã kplɔ Yuda ƒe ame susɔe siwo trɔ gbɔ tso dukɔ siwo katã me woka wo hlẽ ɖo be yewoava nɔ Yuda-nyigba dzi la.+  Wokplɔ ŋutsuwo, nyɔnuwo, ɖeviwo, fia vinyɔnuwo kple ame sia ame* si fiaŋudzɔlawo ƒe amegã Nebuzaradan+ gblẽ ɖe Gedaliya,+ Ahikam+ vi, Safan+ vi gbɔ, hekpe ɖe nyagblɔɖila Yeremiya kple Baruk, Neriya vi ŋu dzoe.  Ale woyi Egipte-nyigba dzi, elabena womeɖo to Yehowa ƒe gbe o, eye wova keke Tahpanhes+ ke.  Eye Yehowa ƒe gbe va na Yeremiya le Tahpanhes be:  “Tsɔ kpe gãwo nàɖi ɖe Farao ƒe aƒe si le Tahpanhes la ƒe mɔnu le anyikpe siwo woɖo ɖe anyigba la te le Yuda ŋutsuwo ŋkume. 10  Eye nàgblɔ na wo be: ‘Ale aʋakɔwo ƒe Yehowa, Israel ƒe Mawu la, gblɔe nye esi: “Kpɔ ɖa, madɔ ame woaɖakplɔ nye subɔvi Babilon-fia Nebukadnezar* vɛ,+ mali eƒe fiazikpui ɖe kpe siawo, siwo meɣla la dzi, eye wòakeke eƒe fiaɖuƒe ƒe agbadɔ ɖe wo dzi.+ 11  Ava si Egipte-nyigba.+ Ame si dze na dɔvɔ̃ la, woatsɔe ade asi na dɔvɔ̃ wòaku. Ame si dze na aboyoɖeɖe la, woaɖe aboyoe, eye ame si dze na yi la, woatsɔe ade asi na yi.+ 12  Matɔ dzo Egipte mawuwo ƒe xɔwo,* eye wòatɔ dzo wo+ ahaɖe aboyo wo. Ado Egipte-nyigba abe ale si ko lãkplɔvi doa awui ene, eye wòadzo le afi ma le ŋutifafa me.* 13  Agbã sɔti* siwo le Bet-Semes le Egipte-nyigba dzi la gudugudu, eye wòatɔ dzo Egipte mawuwo ƒe xɔwo.”’”*

Etenuŋɔŋlɔ

Alo, “luʋɔ sia luʋɔ.”
Egɔmeɖeɖe tẽe, “Nebukadrezar,” esia nye ŋkɔ Nebukadnezar ŋɔŋlɔ bubui.
Alo, “trɔ̃xɔwo.”
Alo, “le afi ma dedie.”
Alo, “ŋkuɖodzisɔti.”
Alo, “Ɣemawu Ƒe Aƒe (Trɔ̃xɔ),” si nye Heliopolis.