Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Yeremiya 34:1-22

EMENYAWO ƑE TOTOƉEME

  • Ʋɔnudrɔ̃gbedeasi aɖe na Zedekiya (1-7)

  • Wotu nubabla si na ablɔɖe kluviwo (8-22)

34  Yehowa ƒe gbe si va na Yeremiya esime Babilon-fia Nebukadnezar* kple eƒe aʋakɔ blibo la kpakple anyigbadzifiaɖuƒe siwo katã le ete, kple dukɔwo katã nɔ aʋa wɔm kple Yerusalem kpakple eƒe duwo katã, lae nye esi:+  “Ale Yehowa, Israel ƒe Mawu la, gblɔe nye esi, ‘Yi ɖagblɔ na Yuda-fia Zedekiya+ be: “Ale Yehowa gblɔe nye esi, ‘Matsɔ du sia ade asi na Babilon-fia, eye wòatɔ dzoe.+  Màdo le esi me o, elabena woalé wò atsɔ ade asi nɛ.+ Àkpɔ Babilon-fia la kple wò ŋutɔ wò ŋkuwo, mia kplii miaƒo nu, eye àyi Babilon.’+  Ke Yuda-fia Zedekiya, se Yehowa ƒe nya, ‘Ale Yehowa gblɔ le ŋuwòe nye esi: “Màtsi yi nu o.  Àku le ŋutifafa me,+ woado dzo atsɔ ade bubu ŋuwò abe ale si wodo dzo na fofowòwo, fia siwo nɔ anyi do ŋgɔ na wò la ene, eye woafa na wò be, ‘Ao, aƒetɔ!’ elabena ‘nyee gblɔ nya sia,’ Yehowa ye gblɔe.”’”’”  Eye nyagblɔɖila Yeremiya gblɔ nya siawo katã na Yuda-fia Zedekiya le Yerusalem,  esime Babilon-fia ƒe aʋakɔwo le aʋa wɔm kple Yerusalem kple Yuda du siwo susɔ,+ siwo nye Lakis+ kple Azeka;+ elabena woawo koe nye du sesẽ siwo kpɔtɔ le Yuda duwo dome.  Esiae nye Yehowa ƒe gbe si va na Yeremiya esime Fia Zedekiya bla nu kple ame siwo katã le Yerusalem, ne wòaɖe gbeƒã ablɔɖe na wo+  be ame sia ame naɖe asi le eƒe kluvi siwo nye Hebritɔwo ŋu, ŋutsuwo kple nyɔnuwo siaa, ale be ame aɖeke magana nɔvia Yudatɔ nanye eƒe kluvi o. 10  Eya ta amegãwo katã kple dukɔ la ɖo to. Woɖo nubabla me be yewo dometɔ ɖe sia ɖe naɖe asi le eƒe kluvi kple kosi ŋu, eye wolɔ̃ be yewomagana woanye kluvi na yewo azɔ o. Woɖo to heɖe asi le wo ŋu. 11  Ke emegbe wogakplɔ kluvi kple kosi siwo ŋu woɖe asi le la gbɔe hezi wo dzi wogazu kluviwo na wo. 12  Eya ta Yehowa ƒe gbe tso Yehowa gbɔ va na Yeremiya be: 13  “Ale Yehowa, Israel ƒe Mawu la gblɔe nye esi, ‘Mebla nu kple mia tɔgbuiwo+ le gbe si gbe mekplɔ wo tso Egipte-nyigba dzi tso kluviƒe me+ hegblɔ be: 14  “Ne ƒe adre wu enu la, mia dometɔ ɖe sia ɖe neɖe asi le nɔvia Hebritɔ si wodzra nɛ, eye wòsubɔe ƒe ade la ŋu; ɖe asi le eŋu wòadzo le gbɔwò.”+ Ke mia tɔgbuiwo meɖo tom o, eye womeƒu to anyi hã o. 15  Ke nyitsɔ laa* la, miawo ŋutɔwo mietrɔ, eye miewɔ nu si le dzɔdzɔe le ŋkunyeme esi mieɖe gbeƒã ablɔɖe na mia havi, eye miebla nu le ŋkunyeme le aƒe si ŋu woyɔa nye ŋkɔ ɖo la me. 16  Emegbe miegatrɔ hegblẽ kɔ ɖo na nye ŋkɔ+ la, eye mia dometɔ ɖe sia ɖe gagbugbɔ eƒe kluvi kple eƒe kosi, siwo ŋu mieɖe asi le abe ale si wodii* ene la gbɔe, eye miezi wo dzi wogazu kluviwo kple kosiwo.’ 17  “Eya ta ale Yehowa gblɔe nye esi: ‘Mieɖo tom o, eye mia dometɔ aɖeke meɖe gbeƒã ablɔɖe na nɔvia kple ehavi o.’+ Eya ta ale Yehowa gblɔe nye esi: ‘Kpɔ ɖa, maɖe gbeƒã ablɔɖe na mi, be miatsi yi, dɔvɔ̃* kple dɔwuame si me,+ eye mana mianye ŋɔdzinu na anyigbadzifiaɖuƒewo katã.+ 18  Ŋutsu siwo tu nye nubabla la eye womewɔ nu, si wobla le ŋkunyeme dzi o, esi wofe nyivi me ɖe eve heto wo dome,+ 19  ame siwo nye Yuda-megãwo kple Yerusalem-megãwo, fiaŋumewo, nunɔlawo kple dukɔ la me tɔ siwo katã to nyivi la ƒe akpa eveawo dome la: 20  matsɔ wo ade asi na woƒe futɔwo kple ame siwo le didim be yewoaɖe woƒe agbe* ɖa la, woƒe kukuawo azu nuɖuɖu na dziƒoxewo kple anyigbadzilãwo.+ 21  Matsɔ Yuda-fia Zedekiya kple eƒe amegãwo ade asi na woƒe futɔwo, matsɔ wo ade asi na ame siwo le didim be yewoaɖe woƒe agbe* ɖa la, eye matsɔ wo ade asi na Babilon-fia ƒe aʋakɔ+ siwo ho dzo le mia ŋu la.’+ 22  “Yehowa be: ‘Kpɔ ɖa, made se, eye makplɔ wo agbɔe ava du sia me, woawɔ aʋa kplii axɔe ahatɔ dzoe;+ mana Yuda duwo nazu aƒedo, eye ame aɖeke maganɔ wo me o.’”+

Etenuŋɔŋlɔ

Egɔmeɖeɖe tẽe, “Nebukadrezar,” esia nye ŋkɔ Nebukadnezar ŋɔŋlɔ bubui.
Egɔmeɖeɖe tẽe, “Ke egbe.”
Alo, “woƒe luʋɔ dii.”
Alo, “dɔléle.”
Alo, “luʋɔ.”
Alo, “luʋɔ.”