Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Yeremiya 20:1-18

EMENYAWO ƑE TOTOƉEME

  • Pashur ƒo Yeremiya (1-6)

  • Yeremiya mate ŋu adzudzɔ gbeƒãɖeɖe o (7-13)

    • Mawu ƒe gbedeasi le abe dzobibi ene (9)

    • Yehowa le abe aʋakalẽtɔ sesẽ ene (11)

  • Yeremiya fa konyi (14-18)

20  Ke nunɔla Pashur, Imer vi, ame si nye dzikpɔlawo ƒe tatɔ le Yehowa ƒe aƒe la me la, nɔ to ɖom esime Yeremiya nɔ nya siawo gblɔm ɖi.  Eye Pashur ƒo nyagblɔɖila Yeremiya hebɔ pãe+ ɖe Benyamin-gbo Dzigbetɔ, si le Yehowa ƒe aƒea me la me.  Ke esi ŋu ke eye Pashur ɖe Yeremiya le pã me la, Yeremiya gblɔ nɛ be: “Yehowa tsɔ ŋkɔ na wò be Ŋɔdzi Li Godoo,+ ke menye Pashur o.  Elabena ale Yehowa gblɔe nye esi, ‘Mana nàzu ŋɔdzi na ɖokuiwò kple xɔ̃wòwo katã, woatsi woƒe futɔwo ƒe yi nu, eye wò ŋkuwo akpɔ eteƒe;+ matsɔ Yuda blibo la ade asi na Babilon-fia, eye wòaɖe aboyo wo ayi Babilon ahawu wo kple yi.+  Matsɔ du sia ƒe kesinɔnuwo katã, eƒe nunɔamesiwo katã kple eƒe nu xɔasiwo katã ade asi, eye matsɔ Yuda-fiawo ƒe kesinɔnuwo katã ade asi na woƒe futɔwo.+ Woaha wo atsɔ wo ayi Babilon.+  Ke woaɖe aboyo wò Pashur kple aƒewòmetɔwo katã. Àyi Babilon, àku ɖe afi ma, eye afi mae woaɖi wò kple xɔ̃wòwo katã ɖo, elabena ègblɔ alakpanya ɖi na wo.’”+   Oo Yehowa, èblem, eye mena woblem. Èzã wò ŋusẽ ɖe ŋunye, eye nèkpe dzinye.+ Mezu alɔmeɖenu ŋkeke blibo la katã,Eye ame sia ame koam.+   Elabena ɣesiaɣi si mebe maƒo nu la, ele be manɔ ɣli dom anɔ gbeƒã ɖem be,“Ŋutasesẽ kple adzodada!” Elabena Yehowa ƒe nya zu dzu kple vlododo nam ŋkeke blibo la katã.+   Eya ta megblɔ be, “Nyemele eŋkɔ yɔ ge o,Eye nyemagaƒo nu le eƒe ŋkɔ me azɔ o.”+ Gake enɔna abe dzobibi nue wotu nu ɖo le nye ƒuwo me ene,Etsɔtsɔ tiam,Eye wògloam.+ 10  Elabena mese nya baɖa si gblɔm ame geɖewo le;Ŋɔdzi ƒo xlãm.+ Wobe: “Miɖe egɔme ɖe go; ne míaɖe egɔme ɖe go!” Ame sia ame si doa gbe nam be, “Ŋutifafa na wò!” la, le didim be madze anyi hegblɔna be:+ “Ðewohĩ awɔ vodada gã aɖe,Eye míakpe edzi ahabia hlɔ̃e.” 11  Ke Yehowa li kplim abe aʋakalẽtɔ sesẽ ene.+ Esia tae yonyemetilawo akli nu, eye womaɖu dzinye o.+ Ŋu akpe wo vevie, elabena woado kpo nu. Ŋukpe mavɔ, si womaŋlɔ be o lae wòanye na wo.+ 12  Ke wò, aʋakɔwo ƒe Yehowa, wòe doa ame dzɔdzɔe kpɔna;Èdzea si dzimesusuwo* kple dzi la.+ Na makpɔ ale si nàbia hlɔ̃ woe la teƒe,+Elabena asiwò mee metsɔ nye nya de.+ 13  Midzi ha na Yehowa! Mikafu Yehowa! Elabena eɖe ame dahe* tso nu vlo wɔlawo si me. 14  Aɖi ŋkeke si dzi wodzim la ŋu kpékpekpe! Yayra meganɔ gbe si gbe danye dzim la dzi o!+ 15  Aɖi ame si he du nyui vɛ na fofonye be, “Wodzi vi, wodzi ŋutsuvi na wò!” Eye wòdo dzidzɔ nɛ la ŋu kpékpekpe. 16  Ame ma nenɔ abe du si Yehowa trɔ bu anyi, eye mevee o la ene. Nese ɣlidodo le ŋdi kple ŋɔdziɣli le ŋdɔkutsu dzatsɛ. 17  Nu ka tae mewum ɖe vidzidɔ me,Ne danye nazu yɔdo nam,Eye nye fu natsi eƒo tegbee o?+ 18  Nu ka tae medo tso vidzidɔ me,Be manɔ ayaɖuɖu kple nuxaxa dzi ɖaa,Eye nye ŋkekewo nawu enu ɖe ŋukpe me?+

Etenuŋɔŋlɔ

Alo, “seselelãme ememetɔ.” Egɔmeɖeɖe tẽe, “ayikuwo.”
Alo, “ame dahe ƒe luʋɔ.”