Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Yeremiya 1:1-19

EMENYAWO ƑE TOTOƉEME

  • Woɖo Yeremiya nyagblɔɖilae (1-10)

  • Ŋutega si ku ɖe yevuziti ŋu (11, 12)

  • Ŋutega si ku ɖe nuɖaze ŋu (13-16)

  • Wodo ŋusẽ Yeremiya na eƒe dɔa wɔwɔ (17-19)

1  Esiae nye Yeremiya,* Hilkiya, si nye nunɔla siwo nɔ Anatot+ le Benyamin-nyigba dzi la dometɔ ɖeka ƒe vi, ƒe nyawo.  Yehowa ƒe gbe va nɛ le Yuda-fia Yosiya,+ Amon+ vi, ŋɔli le eƒe fiaɖuɖu ƒe ƒe wuietɔ̃lia me.  Gbedeasia gava nɛ le Yuda-fia Yehoyakim,+ Yosiya vi, ŋɔli va se ɖe Yuda-fia Zedekiya,+ Yosiya vi, ƒe ƒe wuiɖekɛlia ƒe nuwuwu heva se ɖe esime woɖe aboyo Yerusalem le ɣleti atɔ̃lia me.+  Yehowa ƒe gbe va nam be:   “Hafi mava mè wò ɖe dɔ me la, menya* wò,+Eye hafi woadzi wò* la, mekɔ ŋuwò.*+ Metsɔ wò ɖo nyagblɔɖilae na dukɔwo.”   Ke megblɔ be: “Oo, Aƒetɔ Dziɖulagã Yehowa! Nyemenya nuƒoƒo o,+ elabena ŋutsuvi* dzaa ko menye.”+   Ke Yehowa gblɔ nam be: “Mèganɔ gbɔgblɔm be, ‘Ŋutsuvi dzaa ko menye’ o. Ke boŋ ame siwo katã gbɔ madɔ wò ɖo la, yi;Eye nàgblɔ nu siwo katã ƒe se mede na wò la.+   Woƒe dzedzeme megaɖi vɔvɔ̃ na wò o,+Elabena ‘meli kpli wò be maɖe wò,’+ Yehowa ye gblɔe.”  Eye Yehowa do eƒe asi ɖa tɔ nu nam.+ Eye Yehowa gblɔ nam be: “Metsɔ nye nyawo de wò nu me.+ 10  Kpɔ ɖa, metsɔ wò ɖo dukɔwo kple fiaɖuƒewo nu egbe sia, ne nàho nu ahamu nu, nàtsrɔ̃ nu ahagbã nu, eye nàɖo nu te ahaƒã nu.”+ 11  Yehowa ƒe gbe gava nam be: “Yeremiya, nu ka kpɔm nèle?” Eye meɖo eŋu be: “Yevuziti* ƒe alɔ kpɔm mele.” 12  Eye Yehowa gblɔ nam be: “Èkpɔe tututu, elabena mele ŋute ɖe nye nya la ŋu, ne mawɔe ade goe.” 13  Yehowa ƒe gbe gava nam zi evelia be: “Nu ka kpɔm nèle?” Eye megblɔ be: “Mele ze* aɖe si le fiefiem* la kpɔm, eye eƒe nugbɔ viã ɖa tso dziehe.” 14  Eye Yehowa gblɔ nam be: “Vɔ̃ la atso ka tso dzieheAƒo ɖe anyigba la dzi nɔlawo katã dzi.+ 15  Elabena ‘mele dziehefiaɖuƒewo ƒe ƒomewo katã yɔ ge,’ Yehowa ye gblɔe;+‘Eye woava; wo dometɔ ɖe sia ɖe ali eƒe fiazikpui anyiÐe Yerusalem ƒe agbowo nu,+Eye woava ɖe to ɖe eƒe gliwo katãKple Yuda duwo katã.+ 16  Madrɔ̃ ʋɔnu wo eye mabu fɔ wo ɖe woƒe vɔɖivɔ̃ɖi ta,Elabena wogblẽm ɖi+Hele dzudzɔ dom na mawu bubuwo,+Eye wole ta dem agu na woƒe asinudɔwɔwɔwo.’+ 17  Ke nɔ dzadzraɖo ɖi,*Eye nàtso aɖagblɔ nu siwo katã ƒe se dem mele na wò la na wo. Womegadzi ŋɔ na wò o,+Ne menye nenema o la, mana ŋɔdzi nalé wò le wo ŋkume. 18  Elabena metsɔ wò wɔ du sesẽ,Gasɔti kple akɔbligli egbea ɖe anyigba blibo la nu,+Ðe Yuda-fiawo kple Yuda-megãwo,Eƒe nunɔlawo kple dukɔ la me tɔwo nu.+ 19  Woawɔ avu kpli wò,Gake womanɔ te ɖe nuwò o,*Elabena ‘meli kpli wò+ be maɖe wò,’ Yehowa ye gblɔe.”

Etenuŋɔŋlɔ

Ðewohĩ egɔmee nye, “Yehowa Doa Ame Ðe Dzi.”
Alo, “metia.”
Egɔmeɖeɖe tẽe, “hafi nàdo tso vidzidɔ me.”
Alo, “meɖe wò ɖe vovo.”
Alo, “ɖekakpui.”
Egɔmeɖeɖe tẽe, “ŋutenɔti.”
Alo, “nuɖaze si ƒe nu keke.”
Egɔmeɖeɖe tẽe, “gbɔm wole,” efia be wole dzo gbɔm ɖe ete.
Egɔmeɖeɖe tẽe, “bla ali dzi.”
Alo, “womaɖu dziwò o.”