Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 94:1-23

EMENYAWO ƑE TOTOƉEME

  • Gbedodoɖa be Mawu nabia hlɔ̃

    • “Ɣekaɣi ame vɔ̃ɖiwo anɔ aseye tsom ase ɖo?” (3)

    • Yah ƒe ame ɖɔɖɔɖo hea dzidzɔ vɛ (12)

    • Mawu magbe eƒe dukɔ la o (14)

    • ‘Esi wòle se zãm tsɔ le fu wɔm ame’ (20)

94  Oo Yehowa, Mawu hlɔ̃biala,+Oo Mawu hlɔ̃biala, klẽ!   Oo, anyigba ƒe Ʋɔnudrɔ̃la, tso!+ Nàtsɔ nu si dze na dadalawo la ɖo eteƒe na wo.+   Oo Yehowa, va se ɖe ɣekaɣi ame vɔ̃ɖiwo,Ɛ̃, ɣekaɣi ame vɔ̃ɖiwo anɔ aseye tsom ase ɖo?+   Dadanyawo dona le wo nu gbẽgbẽgbẽ;Ame vɔ̃ɖiwo katã le adegbe ƒom.   Oo Yehowa, wole wò dukɔ la gbãm nyanyanya,+Eye wole wò domenyinu la tem ɖe to.   Wowua ahosiwo kple amedzroviwo,Eye wowua tsyɔ̃eviwo.   Wogblɔna be: “Yah mele ekpɔm o;+Yakob ƒe Mawu la menya esia o.”+   Mi movitɔwo, mise nu gɔme;Mi bometsilawo, ɣekaɣie miadze nunya?+   Eya, ame si wɔ to la, ɖe mase nu oa? Eya, ame si wɔ ŋku la, ɖe makpɔ nu oa?+ 10  Eya, ame si ɖɔa dukɔwo ɖo la, ɖe maka mo na ame oa?+ Eyae fiaa nunya ame!+ 11  Yehowa nya amegbetɔwo ƒe susuwo,Be ƒuƒu ko wonye.+ 12  Oo Yah, dzidzɔtɔe nye ame si nèɖɔna ɖo,+Ame si nètsɔa wò se la fiaa nui.+ 13  Ne nàna wòakpɔ gbɔdzɔe le xaxaɣi,Va se ɖe esime woaɖe yɔdo na ame vɔ̃ɖiwo.+ 14  Elabena Yehowa magbe eƒe dukɔ la o,+Eye magblẽ eya ŋutɔ ƒe domenyinu la ɖi o.+ 15  Elabena woagaɖo ʋɔnu dzɔdzɔe dɔdrɔ̃ anyi ake,Eye ame siwo katã ƒe dzi le dzɔdzɔe la azɔ ɖe enu. 16  Ame kae atso ɖe ame vɔ̃ɖiwo ŋu nam? Ame kae atsi tre ɖe nu vlo wɔlawo ŋu ɖe nunye? 17  Ne menye Yehowa ye kpe ɖe ŋunye o la,Anye ne meku xoxoxo.*+ 18  Ne mebe, “Nye afɔ le ɖiɖim” la,Oo Yehowa, wò lɔlɔ̃ si nu metsina o la léam ɖe te.+ 19  Ne metsi dzodzodzoe akpa la,*Èfaa akɔ nam henana mekpɔa* gbɔdzɔe.+ 20  Ðe dziɖula* madzɔmadzɔ awɔ ɖeka kpli wò,Esi wòle se zãm tsɔ le fu wɔm amea?+ 21  Wodzea ame dzɔdzɔe dzi* kutɔkutɔe,+Eye wotsoa kufia na ame maɖifɔ.*+ 22  Ke Yehowa azu nye mɔ́ sesẽ,Nye Mawu azu nye sitsoƒe ƒe agakpe.+ 23  Ana woƒe nu vɔ̃ɖi wɔwɔwo natrɔ ava woawo ŋutɔwo dzi.+ Eye wòana woawo ŋutɔwo ƒe vɔɖivɔ̃ɖi nana wo nu nayi.* Yehowa mía Mawu la ana wo nu nayi.*+

Etenuŋɔŋlɔ

Alo, “ɖoɖoe zi le nunye xoxoxo.”
Alo, “Ne nu geɖe le fu ɖem na nye susu la.”
Alo, “nye luʋɔ kpɔa.”
Alo, “fiazikpui; ʋɔnudrɔ̃la.”
Alo, “ame dzɔdzɔe ƒe luʋɔ dzi.”
Alo, “wobua fɔ ʋu maɖifɔ.”
Egɔmeɖeɖe tẽe, “nana ɖoɖoe nazi le wo nu.”
Egɔmeɖeɖe tẽe, “ana ɖoɖoe nazi le wo nu.”