Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 9:1-20

EMENYAWO ƑE TOTOƉEME

  • Gbeƒãɖeɖe Mawu ƒe nukudɔwɔwɔwo

    • Yehowa nye mɔ́ sesẽ (9)

    • Mawu ƒe ŋkɔ nyanya bia be míaɖo ŋu ɖe eŋu (10)

Na henɔ la; ɖe Mut-Laben* ƒe gbeɖiɖi nu. David ƒe ha. א [Alef] 9  Oo Yehowa, makafu wò kple nye dzi blibo;Maɖe gbeƒã wò nukudɔwɔwɔwo katã.+   Makpɔ dzidzɔ atso aseye ɖe ŋuwò;Oo Dziƒoʋĩtɔ, madzi kafukafuha* na wò ŋkɔ.+ ב [Bet]   Ne nye futɔwo gbugbɔ ɖe megbe la,+Woakli nu adze anyi, eye wo nu ayi le ŋkuwòme.   Elabena èʋli tanye le nye nya dzɔdzɔe ta;Èbɔbɔ nɔ wò fiazikpui dzi hedrɔ̃ ʋɔnu dzɔdzɔe.+ ג [Gimel]   Èka mo na dukɔwo,+ eye nètsrɔ̃ ame vɔ̃ɖiwo,Ètutu woƒe ŋkɔ ɖa tegbetegbee.   Futɔwo tsrɔ̃ ɖikaa;Ètrɔ woƒe duwo bu anyi,Womagaɖo ŋku wo dzi akpɔ gbeɖe o.+ ה [He]   Ke Yehowa ya anɔ eƒe fiazikpui dzi tegbee;+Eli eƒe fiazikpui anyi ɖe ʋɔnu dzɔdzɔe dɔdrɔ̃ ŋu.+   Adrɔ̃ ʋɔnu xexea le dzɔdzɔenyenye me;+Atso afia dzɔdzɔe na dukɔwo.+ ו [Waw]   Yehowa anye mɔ́ sesẽ na ame siwo wote ɖe anyi la,+Mɔ́ sesẽ wòanye le xaxaɣiwo.+ 10  Ame siwo nya wò ŋkɔ la aɖo ŋu ɖe ŋuwò;+Oo Yehowa, màgblẽ ame siwo dia yowòme mɔ la ɖi akpɔ o.+ ז [Zayin] 11  Midzi kafukafuha na Yehowa, Ame si le Zion;Migblɔ nu siwo wòwɔ la le dukɔwo dome.+ 12  Elabena woƒe Hlɔ̃biala la ɖoa ŋku wo dzi;+Maŋlɔ ame siwo le fu kpem la ƒe ɣlidodo be gbeɖe o.+ ח [Het] 13  Oo Yehowa, ve nunye; kpɔ fu si kpem mele le nye futɔwo si me ɖa,Wò, ame si kɔm ɖe dzi tso ku ƒe agbowo me,+ 14  Ne maɖe gbeƒã wò nuwɔwɔ siwo dze na kafukafu le Zion vinyɔnu ƒe agbowo me,+Ne matso aseye le wò xɔname ŋuti.+ ט [Tet] 15  Dukɔwo ge dze do si woawo ŋutɔwo ɖe la me;Ðɔ si woɖo la ɖe afɔ na woawo ŋutɔwo.+ 16  Wonya Yehowa ɖe eƒe ʋɔnudɔdrɔ̃wo ta.+ Ame vɔ̃ɖi ƒe asinudɔwɔwɔ zu mɔ̃ ɖe eya ŋutɔ.+ Higayon.* (Sela) י [Yod] 17  Ame vɔ̃ɖiwo ayi Tsiẽƒe,*Ɛ̃, dukɔ siwo katã ŋlɔa Mawu be la ayi. 18  Gake womaŋlɔ ame dahewo ya be ɖaa o;+Eye ame fafawo ƒe mɔkpɔkpɔ hã mazu dzodzro o.+ כ [Kaf] 19  Oo Yehowa, tso! Mègana amegbetɔ ƒe alɔ nade dzi o. Na woadrɔ̃ ʋɔnu dukɔwo le ŋkuwòme.+ 20  Oo Yehowa, na dzidzi naƒo wo,+Ne dukɔwo nadze sii be amegbetɔ dzro koe yewonye. (Sela)

Etenuŋɔŋlɔ

Alo, “maƒo ha.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.