Dzo kpo yi emenuwo dzi

Dzo kpo yi emenuawo dzi

Psalmowo 84:1-12

EMENYAWO ƑE TOTOƉEME

  • Ale si Mawu ƒe avɔgbadɔ gã la dzroa amee

    • Lewi vi aɖe ƒe didi be yeanɔ abe xevi ene (3)

    • “Ŋkeke ɖeka le wò xɔxɔnu” (10)

    • “Mawu nye míaƒe ɣe kple míaƒe akpoxɔnu” (11)

Na henɔ la; ɖe Gitit* ƒe gbe nu. Kora viwo+ ƒe ha. 84  Oo aʋakɔwo ƒe Yehowa,Aleke gbegbe wò avɔgbadɔ gã la nyo ŋunye* ye nye esi!+   Yehowa ƒe xɔxɔnuwo+Le nye ame bliboa dzrom* vevie.Ɛ̃, ele dzroyem ʋuu wòti kɔ nam. Nye dzi kple nye ŋutilã le aseye tsom ɖe Mawu gbagbe la ŋu.   Xevi gɔ̃ hã kpɔ nɔƒe le afi ma,Eye sagbadre wɔ atɔ na eɖokui,Afi si wònyia viawo leLe wò vɔsamlekpui gã la gbɔ, Oo aʋakɔwo ƒe Yehowa,Nye Fia, kple nye Mawu!   Dzidzɔtɔwoe nye ame siwo le aƒewò me!+ Wole kafuwòm ɖaa.+ (Sela)   Dzidzɔtɔwoe nye ame siwo ƒe ŋusẽ le mewò,+Ame siwo ƒe dzi le mɔ gã siwo yi aƒewò me la ŋu.   Ne woto Baka Bali me* la,Wowɔnɛ wòzua tsidzɔƒe;Eye kelemetsi tsɔa yayra ɖoa atsyɔ̃ nɛ.*   Wonɔa azɔli dzi eye woƒe ŋusẽ nɔa dzidzim ɖe edzi;+Wo dometɔ ɖe sia ɖe dona ɖe Mawu ŋkume le Zion.   Oo aʋakɔwo ƒe Yehowa, se nye gbedodoɖa;Oo Yakob ƒe Mawu, see. (Sela)   Mía Mawu kple míaƒe akpoxɔnu,+ kpɔ ɖa,*Kpɔ wò amesiamina la ƒe mo.+ 10  Elabena ŋkeke ɖeka le wò xɔxɔnu nyo wu ŋkeke akpe ɖeka le teƒe bubu!+ Metiae be matɔ ɖe kpui nu le nye Mawu ƒe aƒe me,Wu be manɔ ame vɔ̃ɖiwo ƒe agbadɔ me. 11  Elabena Yehowa Mawu nye míaƒe ɣe+ kple míaƒe akpoxɔnu;+Amenuveve kple bubue wònana. Yehowa mate nu nyui aɖekeAme siwo fɔɖiɖi mele woƒe zɔzɔme ŋu o.+ 12  Oo aʋakɔwo ƒe Yehowa,Dzidzɔtɔe nye ame si ɖoa ŋu ɖe ŋuwò.+

Etenuŋɔŋlɔ

Alo, “lé dzi nam.”
Alo, “le nye luʋɔ dzrom.”
Alo, “bali si me bakatiwo le.”
Agate ŋu afia, “Eye nufiala la tsɔa yayra ɖoa atsyɔ̃e na eɖokui.”
Agate ŋu afia, “Oo Mawu, kpɔ míaƒe akpoxɔnu la ɖa.”