Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 79:1-13

EMENYAWO ƑE TOTOƉEME

  • Gbedodoɖa le esime dukɔwo va dze Mawu ƒe amewo dzi

    • ‘Míezu vlodonu’ (4)

    • ‘Kpe ɖe mía ŋu le wò ŋkɔ la ta’ (9)

    • “Ðo vlo si mía haviwo do wò la teƒe na wo, zi gbɔ zi adre” (12)

Asaf ƒe ha.+ 79  Oo Mawu, dukɔwo va dze wò domenyinu la dzi;+Wogblẽ kɔ ɖo na wò gbedoxɔ kɔkɔe la;+Wona Yerusalem zu glikpo.+   Wotsɔ wò subɔlawo ƒe kukuawo na dziƒoxewo,Kple ame siwo wɔa nuteƒe na wò la ƒe lã na gbemelãwo woɖu.+   Wokɔ woƒe ʋu ɖi abe tsi ene kpe Yerusalem ɖo,Eye ame aɖeke mekpɔtɔ aɖi wo o.+   Míezu vlodonu na mía haviwo;+Fewuɖunu kple alɔmeɖenu na ame siwo ƒo xlã mí.   Oo Yehowa, ɣekaɣi dzi aku wò ase ɖo? Tegbeea?+ Va se ɖe ɣekaɣi wò dɔmedzoe abi abe dzo ene?+   Trɔ wò dɔmedzoe la ƒo ɖe dukɔ siwo menya wò o la dzi,Ðe fiaɖuƒe siwo meyɔa wò ŋkɔ o la dzi.+   Elabena wovuvu Yakob,Eye wodo aƒedo wo denyigba la.+   Mègabu mía tɔgbuiwo ƒe vodada na mí o.+ Netsɔ, nàkpɔ nublanui na mí,+Elabena wobɔbɔ mí ɖe anyi kura.   Oo Mawu, míaƒe xɔnametɔ, kpe ɖe mía ŋu,+Le wò ŋkɔ gã la ta;Ðe mí, eye nàtsɔ míaƒe nu vɔ̃wo ake mí* le wò ŋkɔ la ta.+ 10  Nu ka ŋuti dukɔwo anɔ gbɔgblɔm be: “Afi kae woƒe Mawu la le?”+ Na woanyae le dukɔwo dome, eye míawo hã míakpɔ eteƒe,Be nèbia hlɔ̃ ɖe wò subɔlawo ƒe ʋu si wokɔ ɖe anyi la ta.+ 11  Gamenɔla ƒe hũɖeɖe nede gbɔwò.+ Tsɔ wò ŋusẽ gã* la xɔ na* ame siwo wotso kufia na la.*+ 12  Oo Yehowa, ɖo vlo si mía haviwo do wò la teƒe na wo+Zi gbɔ zi adre.+ 13  Ke mí, wò dukɔ, wò alẽha si le wò lãnyiƒe la,+Míada akpe na wò ɖaa;Eye míakafu wò tso dzidzime yi dzidzime.+

Etenuŋɔŋlɔ

Egɔmeɖeɖe tẽe, “nàtsyɔ nu míaƒe nu vɔ̃wo dzi.”
Egɔmeɖeɖe tẽe, “alɔ sesẽ.”
Agate ŋu afia, “na ablɔɖe.”
Egɔmeɖeɖe tẽe, “ku ƒe viwo.”