Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 7:1-17

EMENYAWO ƑE TOTOƉEME

  • Yehowa nye ʋɔnudrɔ̃la dzɔdzɔe

    • “Drɔ̃ ʋɔnum, O Yehowa” (8)

David ƒe konyifaha si wòdzi na Yehowa le Benyamintɔ Kus ƒe nyawo ta. 7  Oo Yehowa nye Mawu, wòe mesi tso.+ Ðem tso yonyemetilawo katã si me, eye nàxɔ nam.+   Ne menye nenema o la, woavuvum* ʋayaʋaya abe ale si dzata vuvua nui ene,+Eye woalém adzoe le esi xɔnametɔ aɖeke meli o ta.   Oo Yehowa, nye Mawu, ne tɔnye medzɔ le esia me o,Ne mewɔ nu madzɔmadzɔ aɖe,   Ne meda vo ɖe ame si wɔ nyui nam la ŋuti,+Alo meha nye futɔ madzemadzee la,*   Ekema futɔ la neti yonyeme* eye eƒe asi nesu dzinye;Ne wòafanyam ɖe anyigba,Eye wòate nye bubu ɖe ke me. (Sela)   Oo Yehowa, tso le wò dziku me;Tso ɖe nye futɔwo ƒe nyanyra ŋu;+Dzɔ ŋunye, ne nàna woatso afia dzɔdzɔe nam.+   Na dukɔwo naƒo xlã wò;Eye nàtso dziƒo ʋĩi aho ɖe wo ŋu.   Yehowa adrɔ̃ ʋɔnu dukɔwo.+ Oo Yehowa, tso afia nam le nye dzɔdzɔenyenye nu,Le nye fɔmaɖimaɖi la nu.+   Meɖe kuku, na ame vɔ̃ɖiwo ƒe nu vɔ̃ɖi wɔwɔ nu natso. Ke na ame dzɔdzɔe la nali ke,+Elabena wòe nye Mawu dzɔdzɔetɔ la,+ ame si dzroa dziwo+ kple seselelãme ememetɔwo kpɔna.*+ 10  Mawue nye nye akpoxɔnu,+ eya, si nye dzi dzɔdzɔe tɔwo Xɔla.+ 11  Mawu nye ʋɔnudrɔ̃la dzɔdzɔe,+Eye Mawu gblɔa eƒe ʋɔnudrɔ̃nyawo* ɣesiaɣi. 12  Ne ame aɖe gbe dzimetɔtrɔ la,+ enyrea eƒe yi;+Evu eƒe da me, eye wòna wòsɔ gbe na dada.+ 13  Edzra eƒe lãnuwo ɖo ɖi,Ena eƒe aŋutrɔ bibiawo sɔ gbe.+ 14  Kpɔ ame si fɔ nu vɔ̃ɖi wɔwɔ ƒe fu la ɖa;Efɔ xaxa ƒe fu, eye wòdzi alakpa.+ 15  Eɖe ʋe, eye wòku eme wògoglo;Gake eya ŋutɔ ge dze ʋe si wòɖe la me.+ 16  Vɔ̃ la atrɔ ava eya ŋutɔ ƒe ta dzi;+Eye eƒe ŋutasesẽ ava dze eya ŋutɔ ƒe dzodome. 17  Makafu Yehowa le eƒe dzɔdzɔenyenye ta;+Eye madzi kafukafuha* na Yehowa,+ Dziƒoʋĩtɔ la,+ ƒe ŋkɔ.

Etenuŋɔŋlɔ

Alo, “woavuvu nye luʋɔ.”
Agate ŋu afia, “Evɔ meɖe asi le ame si boŋ lé fum madzemadzee ŋu la.”
Alo, “nye luʋɔ yome.”
Alo, “ame si doa dziwo kple ayikuwo kpɔna.”
Alo, “kɔa fɔbuamenyawo ɖi.”
Alo, “maƒo ha.”