Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 60:1-12

EMENYAWO ƑE TOTOƉEME

  • Mawu ɖu futɔwo dzi

    • Amegbetɔwo ƒe xɔname mele ɖeke me o (11)

    • “Mawue ana ŋusẽ naɖo mía ŋu” (12)

Na henɔ la; ɖe “Ŋkuɖodzi Dzogbenya” ƒe gbe nu. Miktam.* David ƒe nufiameha. Esime wònɔ aʋa wɔm kple Aram-Naharayim kple Aram-Zoba, eye Yoab trɔ va hewu Edomtɔ akpe wuieve le Dzebali la me.+ 60  Oo Mawu, ègbe mí; èkaka kpɔ le mía ŋu.+ Èdo dɔmedzoe ɖe mía ŋu; gake fifia la, gbugbɔ mí xɔ dzro!   Èna anyigba ʋuʋu; èna wòfe. Tre eƒe fefeƒeawo, elabena ele giglim.   Èna wò dukɔ la to nɔnɔme sesẽwo me. Èna míeno wain mu le yiyim sagasaga.+   Na* dzesi ame siwo vɔ̃a wò,Ne woasi ahade axa na dati la. (Sela)   Ne woaxɔ na wò ame lɔlɔ̃awo,Tsɔ wò nuɖusi ɖe mí, eye nàtɔ na mí.+   Mawu ƒo nu le eƒe kɔkɔenyenye me* be: “Matso aseye, matsɔ Sekem ana wòanye domenyinu,+Eye madzidze Sukot Bali+ la na nye amewo.   Tɔnyee nye Gilead abe ale si Manase+ hã nye tɔnye ene,Efrayim nye gakuku* na nye ta;Gbeɖela ƒe atikplɔe Yuda nye nam.+   Moab nye nye asiklɔgba.+ Mada nye afɔkpa ɖe Edom dzi.+ Mado aʋadziɖuɣli ɖe Filistia ŋu.”+   Ame kae akplɔm ayi du si ŋu woɖe to ɖo la me?* Ame kae anɔ ŋgɔ nam mayi keke Edom ke?+ 10  Oo Mawu, ɖe menye wò, ame si gbe mí lae oa,Ðe menye mía Mawu, ame si megahona kple míaƒe aʋakɔwo o lae oa?+ 11  Kpe ɖe mía ŋu le míaƒe xaxa me,Elabena amegbetɔ ƒe xɔname mele ɖeke me o.+ 12  Mawue ana ŋusẽ naɖo mía ŋu,+Eye eyae afanya míaƒe futɔwo.+

Etenuŋɔŋlɔ

Agate ŋu afia, “Èna.”
Agate ŋu afia, “le eƒe kɔkɔeƒe la.”
Egɔmeɖeɖe tẽe, “mɔ́ sesẽ.”
Agate ŋu afia, “du sesẽ la me.”