Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 59:1-17

EMENYAWO ƑE TOTOƉEME

  • Mawue nye nye akpoxɔnu kple bebeƒe

    • ‘Mègave yomemɔfialawo nu o’ (5)

    • “Madzi ha le wò ŋusẽ ŋu” (16)

Na henɔ la; ɖe “Mègagblẽ Nu O” ƒe gbe nu. David ƒe ha. Miktam.* Esime Saul dɔ amewo ɖa be woadzɔ David ƒe aƒea ŋu ne woawui.+ 59  Oo nye Mawu, ɖem tso nye futɔwo si me;+Kpɔ tanye tso ame siwo tso ɖe ŋunye la si me.+   Ðem tso nu vɔ̃ɖi wɔlawo si me,Eye nàxɔ nam tso ŋutasẽlawo* si me.   Kpɔ ɖa, wode xa ɖi nam;*+Ame sesẽwo dze dzinye,Oo Yehowa, evɔ nyemedze agɔ alo wɔ nu vɔ̃ aɖeke hã hafi o.+   Togbɔ be nyemeda vo aɖeke o hã la, wole du dzi hele klalo be yewoadze dzinye. Mele yɔwòm, eya ta tso nàva kpɔ ɖa.   Elabena wò aʋakɔwo ƒe Yehowa ye nye Israel ƒe Mawu.+ Nyɔ, nàtrɔ susu ɖe dukɔwo katã ŋu. Mègave yomemɔfiala vɔ̃ɖiwo nu o.+ (Sela)   Wovana fiẽ sia fiẽ;+Wonɔa wowóm abe avuwo ene+ eye wotsana kpea dua ɖo.+   Kpɔ ɖa! Wodudua nya kɔna ɖi bababa;Woƒe nuyiwo le abe yi ene,+Eye wogblɔna be: “Ame kae le esem?”+   Ke wò, Yehowa, àko wo;+Àɖe alɔme le dukɔwo katã ŋu.+   Oo nye Ŋusẽ, manɔ asiwò nu kpɔm;+Elabena Mawue nye nye mɔ́ sesẽ.+ 10  Mawu si vea nunye geɖe la ŋutɔ akpe ɖe ŋunye;+Mawu ana matsa ŋku le nye futɔwo dzi le dziɖuɖu me.+ 11  Mègawu wo o, ne nye dukɔ la ƒe ŋku nanɔ edzi. Le wò ŋusẽ me, na woatsa tsaglãla;Eye nàna woadze anyi, Oo Yehowa, míaƒe akpoxɔnu.+ 12  Le esi wotsɔa woƒe nu wɔa nu vɔ̃, le nya si dona le woƒe nu me la ta,Woƒe dada nezu ɖɔ wòaɖe wo,+Le ɖiŋudodo kple amebeble si dona le wo nu ta. 13  Na wo nu nayi le wò dziku me;+Na wo nu nayi, ne woaganɔ anyi o;Na woadze sii be Mawu le dzi ɖum ɖe Yakob dzi va se ɖe anyigba ƒe mlɔenuwo ke.+ (Sela) 14  Na woatrɔ ava fiẽ sia fiẽ;Na woanɔ wowóm abe avuwo ene atsa akpe dua ɖo.+ 15  Na woanɔ tsaglãla tsam anɔ nu si woaɖu la dim;+Womegaɖi ƒo o, eye womegakpɔ dzeƒe hã o. 16  Ke nye la, madzi ha le wò ŋusẽ ŋu;+Le ŋdi la, matsɔ dzidzɔ aɖe gbeƒã wò lɔlɔ̃ si nu metsina o la. Elabena wòe nye nye mɔ́ sesẽ,+Kple nye dedienɔƒe le xaxaɣi.+ 17  Oo nye Ŋusẽ, wòe madzi kafukafuha* na,+Elabena Mawue nye nye mɔ́ sesẽ, Mawu si lɔ̃am vevie.+

Etenuŋɔŋlɔ

Alo, “hlɔ̃mewo.”
Alo, “wode xa ɖi na nye luʋɔ.”
Alo, “maƒo ha.”