Dzo kpo yi emenuwo dzi

Dzo kpo yi emenuawo dzi

Psalmowo 56:1-13

EMENYAWO ƑE TOTOƉEME

  • Gbedodoɖa le yometiti me

    • “Mawu ŋue meɖoa dzi ɖo” (4)

    • “Kɔ nye aɖatsiwo ɖe wò lãgbalẽgolo me” (8)

    • “Nu kae amegbetɔ ate ŋu awɔm?” (4, 11)

Na henɔ la; woadzii ɖe “Ahɔnɛ Si Zi Ðoɖoe Si Le Didiƒe Ke” ƒe gbe nu. David ƒe ha. Miktam.* Esime Filistitɔwo lée le Gat.+ 56  Oo Mawu, ve nunye, elabena amegbetɔ tso* ɖe ŋunye. Woxaxam ɖo hele avu wɔm kplim ŋkeke bliboa.   Nye futɔwo klẽ aɖu ɖe ŋunye ŋkeke bliboa;Ame siwo tsɔ dada le avu wɔm kplim la sɔ gbɔ.   Ne vɔvɔ̃ ɖom la,+ meɖoa dzi ɖe ŋuwò.+   Mawu—ame si ƒe nya mekafuna—Mawu ŋue meɖoa dzi ɖo; nyemavɔ̃ o. Nu kae amegbetɔ* ate ŋu awɔm?+   Wogblẽa nu me nam ŋkeke bliboa;Woƒe susu koe nye be yewoagblẽ nu le ŋunye.+   Wode xa ɖi be yewoadze dzinye;Woƒe ŋku le nye afɔɖeɖewo ŋu,+Wole didim be yewoaɖe nye agbe* ɖa.+   Gbe wo le woƒe nu vɔ̃ɖi wɔwɔ ta. Oo Mawu, xlã dukɔwo ɖe anyi le wò dziku me.+   Èŋlɔ nye tsaglãlatsatsawo ɖi.+ Kɔ nye aɖatsiwo ɖe wò lãgbalẽgolo me.+ Ðe mèŋlɔ wo ɖe wò agbalẽ me oa?+   Nye futɔwo agbugbɔ ɖe megbe le gbe si gbe mayɔ wò.+ Meka ɖe edzi be: Mawu le dzinye.+ 10  Mawu—ame si ƒe nya mekafuna—Yehowa—ame si ƒe nya mekafuna— 11  Mawu ŋue meɖoa dzi ɖo; nyemavɔ̃ o.+ Nu kae amegbetɔ gbɔlo ate ŋu awɔm?+ 12  Oo Mawu, meɖe adzɔgbe na wò, si dzi wòle be mawɔ ɖo;+Masa akpedavɔwo na wò.+ 13  Elabena èɖem* tso ku me+Eye mèna nye afɔ kli nu o,+Ne mayi edzi azɔ le Mawu ŋkume le agbagbeawo ƒe kekeli me.+

Etenuŋɔŋlɔ

Alo, “klẽ aɖu.”
Egɔmeɖeɖe tẽe, “ŋutilã.”
Alo, “luʋɔ.”
Alo, “èɖe nye luʋɔ.”