Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 53:1-6

EMENYAWO ƑE TOTOƉEME

  • Ale si bometsilawo le

    • “Yehowa aɖeke meli o” (1)

    • “Ame aɖeke meli si wɔa nu nyui o” (3)

Na henɔ la; ɖe Mahalat* ƒe atsyã nu. Maskil.* David ƒe ha. 53  Bometsila* gblɔna le eƒe dzi me be: “Yehowa aɖeke meli o.”+ Wowɔa nu madzɔmadzɔwo, nu tovo siwo nyɔa ŋu;Ame aɖeke meli si wɔa nu nyui o.+   Ke Mawu léa ŋku ɖe amegbetɔviwo ŋu tso dziƒo+Be yeakpɔe ɖa be ame aɖe li si sea nu gɔme, eye wòbiaa Yehowa ta sena hã.+   Wo katã wote ɖe aga;Wo katã wogblẽ keŋ. Ame aɖeke meli si wɔa nu nyui o,Ðeka hɔ̃ hã meli o.+   Ðe nu tovo wɔlawo dometɔ aɖeke medzea si nu oa? Wole nye dukɔ la ɖum hamham abe abolo ene. Womeyɔa Yehowa hã o.+   Ke ŋɔdzi gã alé wo,Ŋɔdzi si tɔgbi melé wo kpɔ o,*Elabena Mawu aka ame si ho* ɖe ŋuwò la ƒe ƒuwo ahlẽ. Àna ŋukpe nalé wo, elabena Yehowa gbe wo.   Oo, ne ɖe xɔname atso Zion+ ava na Israel ɖe! Ne Yehowa gakplɔ eƒe aboyomewo gbɔe la,Ekema Yakob nekpɔ dzidzɔ, Israel netso aseye.

Etenuŋɔŋlɔ

Alo, “Abunetɔ.”
Agate ŋu afia, “Woanɔ vɔvɔ̃m le afi si ŋɔdzinu aɖeke mele o.”
Egɔmeɖeɖe tẽe, “ƒua asaɖa anyi.”