Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 41:1-13

EMENYAWO ƑE TOTOƉEME

  • Gbedodoɖa le dɔba dzi

    • Mawu doa ŋusẽ dɔnɔwo (3)

    • Xɔlɔ̃ vevi dee asi (9)

Na henɔ la. David ƒe ha. 41  Dzidzɔtɔe nye ame si bua ame tsɛ ŋu;+Yehowa axɔ nɛ le xaxaɣi.   Yehowa adzɔ eŋu, eye wòaxɔe ɖe agbe. Woabui dzidzɔtɔe le anyigba dzi;+Màtsɔe ade asi na eƒe futɔwo ƒe didi* akpɔ o.+   Yehowa alée ɖe te le dɔba dzi;+Àɖɔli eƒe aba keŋkeŋ le eƒe dɔléɣi.   Elabena megblɔ be: “Oo Yehowa, ve nunye.+ Da gbe le ŋunye,*+ elabena mewɔ nu vɔ̃ ɖe ŋuwò.”+   Ke nye futɔwo le nya vɔ̃ gblɔm le ŋunye be: “Ɣekaɣi gɔ̃ wòaku, ne eƒe ŋkɔ natsrɔ̃ ɖa?”   Ne wo dometɔ aɖe va kpɔm ɖa la, alakpadzie wòtsɔ ƒoa nui. Eva dia ameŋugblẽnyawo;Eye ne enya do go ko la, eyina ɖakakanɛ.   Nye futɔwo katã le dalĩ dom na wo nɔewo;Wole vɔ̃e susum ɖe ŋunye be:   “Dɔ dziŋɔ aɖe dze edzi;Fifia esi wòtsi anyimlɔƒe la, megale fɔfɔ ge akpɔ o.”+   Ame si le ŋutifafa me kplim, ame si dzi meka ɖo,+Si ɖua nye abolo la kɔ eƒe afɔkpodzi dzi ɖe ŋunye.*+ 10  Ke wò, Oo Yehowa, ve nunye, ne nàna mafɔ,Ne maɖo eteƒe na wo. 11  Esia me manyae le be nye nu nyoa ŋuwò: Ne nye futɔ la metso aseye ɖe ŋunye o.+ 12  Ke nye la, èlém ɖe te le nye fɔmaɖimaɖi ta;+Àtsɔm aɖo ŋkuwòme tegbee.+ 13  Woakafu Yehowa, Israel ƒe MawuTso mavɔ me yi mavɔ me.+ Amen, ɛ̃, Amen.

Etenuŋɔŋlɔ

Alo, “luʋɔ.” Kpɔ Nya Tɔxɛwo Gɔmeɖeƒea.
Alo, “nye luʋɔ ŋu.”
Alo, “tso ɖe ŋunye.”