Dzo kpo yi emenuwo dzi

Dzo kpo yi emenuawo dzi

Psalmowo 31:1-24

EMENYAWO ƑE TOTOƉEME

  • Si Yehowa tso

    • “Asiwò mee metsɔ nye gbɔgbɔ de” (5)

    • “Yehowa, nyateƒe Mawu” (5)

    • Mawu ƒe nyuiwɔwɔ gbogbo la (19)

Na henɔ la. David ƒe ha. 31  Oo Yehowa, wòe mesi tso.+ Mègana ŋu nakpem gbeɖe o.+ Ðem le wò dzɔdzɔenyenye la ta.+   Ƒu to anyi ɖe* ŋunye. Va kaba nàxɔ nam.+ Nànye agakpe sesẽ nam,Nànye mɔ́ sesẽ, ne nàɖem.+   Elabena wòe nye nye agakpe kple nye mɔ́ sesẽ;+Ànɔ ŋgɔ nam ahakplɔm+ le wò ŋkɔ+ la ta.   Àɖem le ɖɔ si woɖo nam le adzame la me,+Elabena wòe nye nye sitsoƒe.+   Asiwò mee metsɔ nye gbɔgbɔ de.+ Oo Yehowa, nyateƒe Mawu,* èɖem.+   Melé fu ame siwo ku ɖe legba dzodzro maɖinuwo ŋu,Ke nye la, Yehowa ŋue meɖoa ŋu ɖo.   Matso aseye le wò lɔlɔ̃ si nu metsina o la ta,Elabena wò ŋku le nye fukpekpewo ŋu;+Ènya nye nuxaxawo* nyuie.   Mètsɔm de asi na futɔ la o,Ke boŋ èna mele afi si le dedie.*   Oo Yehowa, ve nunye, elabena meɖo xaxa me. Nuxaxa na nu te nye ŋkuwo ŋu,+ eye nu te nye ameti bliboa hã ŋu.*+ 10  Nuxaxa yɔ nye agbe me fũu+Eye nye ƒewo yɔ kple hũɖeɖe sɔŋ.+ Nye ŋusẽ dzi ɖe kpɔtɔ le nye vodada ta;Eye nu te nye ƒuwo ŋu.+ 11  Mezu alɔmeɖenu na nye ketɔwo katã,+Vevietɔ na hanyeviwo. Eye mezu bibi na nye ame nyanyɛwo;Ne wokpɔm le kpɔdomee ko la, wodea afɔ du me.+ 12  Woɖem ɖa le woƒe dzi* me eye woŋlɔm be, abe ɖe meku ene;Mezu abe ze gbagbã ene. 13  Elabena mese ameŋugblẽnya geɖewo;Ŋɔdzi ɖe to ɖem.+ Ne woƒo takpli ɖe ŋunye la,Woɖoa nugbe be yewoaɖe nye agbe* ɖa.+ 14  Gake ŋuwòe meɖoa ŋu ɖo, Oo Yehowa.+ Megblɔ be: “Nye Mawue nènye.”+ 15  Nye ŋkekewo* le asiwò me. Ðem tso nye futɔwo kple yonyemetilawo si me.+ 16  Kɔ mo ɖe wò subɔla la,+ Eye nàɖem le wò amenuveve la ta. 17  Oo Yehowa, ne meyɔ wò la, mègana ŋu nakpem o.+ Na ŋu nakpe ame vɔ̃ɖiwo;+Ðoɖoe nezi le wo nu le Tsiẽƒe.*+ 18  Na alakpanuyiwo nade ga,+Nuyi siwo tsɔa dada kple amemabumabu gblɔa nya vlowo ɖe ame dzɔdzɔe ŋu la. 19  Wò nyuiwɔwɔ sɔ gbɔ loo!+ Èdzrae ɖo ɖi na ame siwo vɔ̃a wò la,+Eye nèɖee fia ame siwo si wò tso la, le amegbetɔviwo katã ŋkume.+ 20  Àɣla wo ɖe ɣaɣlaƒe si le ŋkuwòme,+Tso ame siwo le nugbe ɖom ɖe wo ŋu la si me.Àɣla wo ɖe wò agbadɔ meTso amewo ƒe aɖeɖiƒoame gbɔ.*+ 21  Woakafu Yehowa,Elabena eɖe eƒe amenuveve fiam+ le du si woɖe to ɖo la me.+ 22  Ke nye la, vɔvɔ̃ ɖom, eye megblɔ be: “Woatsrɔ̃m ɖa keŋkeŋ le ŋkuwòme.”+ Gake èse nye kokoƒogbe esi medo ɣli na wò.+ 23  Milɔ̃ Yehowa, mi ame siwo katã wɔa nuteƒe nɛ!+ Yehowa kpɔa nuteƒewɔlawo ta,+Ke enana dadalawo kpɔa wo tɔ nua gakpɔnɛ ɖe edzi.+ 24  Misẽ ŋu, eye milé dzi ɖe ƒo,+Mi ame siwo katã le Yehowa si nu kpɔm.+

Etenuŋɔŋlɔ

Alo, “Bɔbɔ nàlé to ɖe.”
Alo, “Mawu nuteƒewɔla.”
Alo, “luʋɔ ƒe nuxaxawo.”
Alo, “teƒe si keke.”
Alo, “eye nu te nye luʋɔ kple nye ƒodo hã ŋu.”
Alo, “susu.”
Alo, “luʋɔ.”
Egɔmeɖeɖe tẽe, “ɣeyiɣiwo.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Egɔmeɖeɖe tẽe, “amewo ƒe dzrewɔɖe si me.”