Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 30:1-12

EMENYAWO ƑE TOTOƉEME

  • Konyifafa trɔ zu dzidzɔkpɔkpɔ

    • Mawu ƒe amenuveve nɔa anyi le ame ƒe agbenɔɣi katã (5)

Xɔŋukɔha. David ƒe ha. 30  Oo Yehowa, mado wò ɖe dzi, elabena wòe hem do goe;Eye mèna nye futɔwo tso aseye le tanye o.+   Oo Yehowa, nye Mawu, medo ɣli na wò, eye nèda gbe le ŋunye.+   Oo Yehowa, wòe kɔm* doe tso Tsiẽƒe;*+Èxɔm ɖe agbe; mèna meyi aʋli me o.+   Midzi kafukafuha* na Yehowa, mi eƒe nuteƒewɔlawo,+Mikafu eƒe ŋkɔ kɔkɔe la;*+   Elabena ne edo dziku ɖe ame ŋu hã, enu mesena yina o,+Ke eƒe amenuveve* ya nɔa anyi le ame ƒe agbenɔɣi katã.+ Avi ate ŋu adzɔ le fiẽ, ke aseyetsotso vaa aƒe le ŋdi.+   Ke nye la, megblɔ le nye dziɖeɖiɣi be: “Nyemaʋã* akpɔ o.”   Oo Yehowa, esi nève nunye* la, èna meli ke sesĩe abe to ene.+ Gake esi nèɣla wò ŋkume la, dzidzi ƒom.+   Oo Yehowa, wò yɔm mele;+Yehowa, wòe mele koko ƒom na be nàve nunye.   Viɖe kae wòanye ne meku,* ne meyi yɔdo me?+ Ðe ʋuʋudedi akafu wòa?+ Ðe wòaɖe gbeƒã wò nuteƒewɔwɔa?+ 10  Oo Yehowa, see, eye nàve nunye.+ Oo Yehowa, kpe ɖe ŋunye.+ 11  Ètrɔ nye konyifafa zu ɣeɖuɖu;Èɖe nye akpanya le ŋunye, eye nèta dzidzɔ nam abe avɔ ene, 12  Ale be madzi ha* akafu wò, eye ɖoɖoe mazi le nunye o. Oo Yehowa, nye Mawu, makafu wò tegbee.

Etenuŋɔŋlɔ

Alo, “wòe kɔ nye luʋɔ.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Alo, “Miƒo ha.”
Egɔmeɖeɖe tẽe, “Mida akpe ɖe eƒe ŋkuɖodzi kɔkɔe ta.”
Alo, “ŋudzedzekpɔkpɔ ɖe ame ŋu.”
Alo, “Nyemaʋuʋu.”
Alo, “esi nèkpɔ ŋudzedze ɖe ŋunye.”
Egɔmeɖeɖe tẽe, “Viɖe kae anɔ nye ʋu ŋu.”
Alo, “nye bubu nadzi ha.”