Dzo kpo yi emenuwo dzi

Dzo kpo yi emenuawo dzi

Psalmowo 27:1-14

EMENYAWO ƑE TOTOƉEME

  • Yehowae nye mɔ́ sesẽ na nye agbe

    • Ŋudzedzekpɔkpɔ ɖe Mawu ƒe gbedoxɔa ŋu (4)

    • Yehowa axɔm ne dzinyelawo gblẽm ɖi (10)

    • “Kpɔ mɔ na Yehowa” (14)

David ƒe ha. 27  Yehowae nye nye kekeli+ kple nye xɔname. Ame kae mavɔ̃?+ Yehowae nye mɔ́ sesẽ na nye agbe.+ Ame kae adzi ŋɔ nam?   Ne ame vlowo dze dzinye be yewoavuvum la,+Nye ketɔwo kple nye futɔwo ŋutɔwoe akli nu adze anyi.   Ne aʋakɔ ƒu asaɖa anyi ɖe ŋunye hã la,Dzika matso ƒonye o.+ Ne woho aʋa ɖe ŋunye hã,Dzi akpɔtɔ anɔ ƒonye.   Nu ɖeka mebia Yehowa—Eyae mele mɔ kpɔm na,Be manɔ Yehowa ƒe me le nye agbemeŋkekewo katã me,+Ne makpɔ Yehowa ƒe atsyɔ̃,*Eye malé ŋku ɖe eƒe gbedoxɔ la ŋu ahakpɔ ŋudzedze ɖe eŋu.*+   Elabena atsɔm aɣla ɖe eƒe nɔƒe le vɔ̃dzɔgbe;+Aɣlam ɖe bebeƒe le eƒe agbadɔ me;+Akɔm aɖo agakpe kɔkɔ dzi.+   Azɔ la, nye ta kɔ dzi gbɔ nye futɔ siwo ƒo xlãm godoo la ta;Matsɔ aseyetsotso asa vɔwo le eƒe agbadɔ me;Madzi kafukafuha* na Yehowa.   Oo Yehowa, ne medo ɣli yɔ wò la, see;+Ve nunye, eye nàtɔ nam.+   Nye dzi gblɔ nam le ŋuwò be: “Midi ŋkunyeme.” Oo Yehowa, madi ŋkuwòme.+   Mègaɣla wò ŋkume ɖem o.+ Mègatrɔ wò subɔla ɖo ɖa le dziku me o. Wòe nye nye kpeɖeŋutɔ;+Oo Mawu, nye xɔnametɔ, mègagblẽm ɖi alo agbe nu le gbɔnye o. 10  Ne fofonye kple danye gblẽm ɖi hã la,+Yehowa ya axɔm.+ 11  Oo Yehowa, fia wò mɔm,+Eye nàkplɔm to toƒe dzɔdzɔe le nye futɔwo ta. 12  Mègatsɔm de asi na nye ketɔwo o,*+Elabena aʋatsoɖasefowo tso ɖe ŋunye,+Eye wotsɔ ŋutasesẽ le ŋɔdzi dom nam. 13  Afi kae manɔ ne ɖe xɔse mele asinyeBe makpɔ Yehowa ƒe nyuiwɔwɔ teƒe le agbagbeawo ƒe anyigba dzi o?*+ 14  Kpɔ mɔ na Yehowa;+Sẽ ŋu eye nàlé dzi ɖe ƒo.+ Ɛ̃, kpɔ mɔ na Yehowa.

Etenuŋɔŋlɔ

Alo, “nyonyo.”
Alo, “ahayi ŋugble me.”
Alo, “Maƒo ha.”
Alo, “na nye ketɔwo ƒe luʋɔ o.”
Agate ŋu afia, “Meka ɖe edzi be makpɔ Yehowa ƒe nyuiwɔwɔ teƒe le agbagbeawo ƒe anyigba dzi.”