Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 26:1-12

EMENYAWO ƑE TOTOƉEME

  • Zɔzɔ le fɔmaɖimaɖi me

    • “O Yehowa, dzro menye” (2)

    • Metsri ame vɔ̃ɖiwo ƒe hadede (4, 5)

    • ‘Maƒo xlã Mawu ƒe vɔsamlekpui la’ (6)

David ƒe ha. 26  Oo Yehowa, tso afia nam, elabena mezɔ le fɔmaɖimaɖi me;+Meɖo dzi ɖe Yehowa ŋu maʋamaʋãe.+   Oo Yehowa, dzro menye, eye nàdom kpɔ;Dza nye dzimesusuwo* kple nye dzi ŋu.+   Elabena wò amenuveve le ŋkunyeme ɖaa,Eye mezɔ le wò nyateƒe la me.+   Nyemenɔa ameblelawo ƒe ha me o,+Eye nyemedea ha kple ame siwo ɣlaa ame si ƒomevi wonye la* o.   Melé fu ame vlowo ƒe ha,+Eye metsri ame vɔ̃ɖiwo ƒe hadede.*+   Maklɔ nye asi fɔmaɖitɔe,Eye maƒo xlã wò vɔsamlekpui la, Oo Yehowa,   Ne mana nye akpedaha naɖi+Eye maɖe gbeƒã wò nukudɔwo katã.   Yehowa, melɔ̃ wò aƒe, afi si nèle,+Kple teƒe si wò ŋutikɔkɔe le.+   Mègakplɔm* ƒu gbe kpe ɖe nu vɔ̃ wɔlawo ŋu o+Eye mègaɖe nye agbe ɖa kpe ɖe ŋutasẽlawo* ŋu o, 10  Wo, ame siwo ŋukpenanuwɔwɔ le asi ŋu na,Eye zãnuxɔxɔ yɔ nuɖusi me na. 11  Ke nye la, mazɔ le nye fɔmaɖimaɖi me. Ðem, eye nàve nunye. 12  Nye afɔ le teƒe sɔsɔe;+Makafu Yehowa le ameha gãwo dome.*+

Etenuŋɔŋlɔ

Alo, “seselelãme ememetɔwo.” Egɔmeɖeɖe tẽe, “ayikuwo.”
Alo, “alakpanuwɔlawo.”
Egɔmeɖeɖe tẽe, “Nyemenɔa anyi ɖe ame vɔ̃ɖiwo dome o.”
Alo, “Mègakplɔ nye luʋɔ.”
Alo, “hlɔ̃dolawo.”
Egɔmeɖeɖe tẽe, “le takpekpewo me.”