Dzo kpo yi emenuwo dzi

Dzo kpo yi emenuawo dzi

Psalmowo 20:1-9

EMENYAWO ƑE TOTOƉEME

  • Xɔxɔ na Mawu ƒe fia si wòsi ami na

    • Dukɔwo ɖoa ŋu ɖe tasiaɖamwo kple sɔwo ŋu, ‘ke míawo ya, Yehowa ƒe ŋkɔe míeyɔna’ (7)

Na henɔ la. David ƒe ha. 20  Yehowa netɔ na wò le xaxagbe. Yakob ƒe Mawu ƒe ŋkɔ nenye takpɔkpɔ na wò.+   Neɖo kpekpeɖeŋu ɖe wò tso kɔkɔeƒe la+Eye wòado ŋusẽ wò tso Zion.+   Neɖo ŋku wò nunavɔsawo katã dzi;Eye wò numevɔsa nedze eŋu.* (Sela)   Nena nu si wò dzi di la wò+Eye wòana wò ɖoɖowo* katã nadze edzi na wò.   Míatso aseye le wò xɔxɔdɔwo ŋuti;+Míado míaƒe dzesiti ɖe dzi le mía Mawu ƒe ŋkɔ me.+ Yehowa nawɔ wò biabiawo katã dzi na wò.   Azɔ menyae be Yehowa xɔna na eƒe amesiamina la.+ Etɔna nɛ tso eƒe dziƒo kɔkɔe la ke,Eye wòtsɔa eƒe ɖusibɔ sesẽ la xɔna nɛ.*+   Ame aɖewo ɖoa ŋu ɖe tasiaɖamwo ŋu, eye bubuwo ɖe sɔwo ŋu,+Ke míawo ya la, míeyɔa Yehowa mía Mawu ŋkɔ.+   Womu dze anyi,Ke míawo ya la, míetso, eye míeli ke sesĩe.+   Oo Yehowa, xɔ na fia la!+ Atɔ na mí le gbe si gbe míeyɔe.+

Etenuŋɔŋlɔ

Egɔmeɖeɖe tẽe, “nebu wò numevɔsa abe nu si da ami ene.”
Alo, “adaŋudede.”
Alo, “nana wòkpɔa dziɖuɖu.”