Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 148:1-14

EMENYAWO ƑE TOTOƉEME

  • Nuwɔwɔwo katã nekafu Yehowa

    • “Mi eƒe dɔlawo katã, mikafui” (2)

    • ‘Ɣe, ɣleti kple ɣletiviwo, mikafui’ (3)

    • Ðeviwo kple tsitsiawo siaa mikafu Mawu (12, 13)

148  Mikafu Yah!* Mikafu Yehowa tso dziƒowo;+Mikafui le kɔkɔƒewo.   Mi eƒe dɔlawo katã, mikafui.+ Mi eƒe aʋakɔ blibo la katã, mikafui.+   Ɣe kple ɣleti, mikafui. Ɣletivi keklẽwo katã, mikafui.+   Mi dziƒowo ƒe dziƒowo, mikafui,Kple mi alilia tame tsiwo hã.   Wo katã nekafu Yehowa ƒe ŋkɔ,Elabena eyae ɖe gbe, eye wodzɔ.+   Eléa wo ɖe te tso mavɔ me yi mavɔ me;+Ede se si nu mayi o.+   Mikafu Yehowa tso anyigba dzi,Mi ƒumelã klitsuwo kple mi tɔ goglowo katã,   Mi dzikedzo kple kpetsi, sno kple alilikpo dodowo,Kple ahom si wɔa eƒe gbe dzi,+   Mi towo kple mi togbɛwo katã,+Mi ati tsekuwo kple mi sedertiwo katã,+ 10  Mi gbemelãwo+ kple mi aƒemelãwo katã,Mi nu siwo tana kple xe dzodzoewo, 11  Mi anyigbadzifiawo kple mi dukɔwo katã,Mi amegãwo kple mi anyigbadziʋɔnudrɔ̃lawo katã,+ 12  Mi ɖekakpuiwo kple ɖetugbuiwo* siaa,Mi ame tsitsiwo* kple ɖeviwo siaa. 13  Wo katã nekafu Yehowa ƒe ŋkɔ,Elabena eƒe ŋkɔ ɖeɖe koe de dzi boo.+ Eƒe gãnyenye gbɔ anyigba kple dziƒo ŋu.+ 14  Eyae ado eƒe dukɔ ƒe ŋusẽ* ɖe dzi,Be wòanye kafukafu na eƒe nuteƒewɔlawo katã,Na Israel-viwo, dukɔ si te ɖe eŋu kplikplikpli la. Mikafu Yah!*

Etenuŋɔŋlɔ

Alo, “Haleluyah!” “Yah” nye ŋkɔ Yehowa ŋɔŋlɔ kpuie.
Egɔmeɖeɖe tẽe, “ɖetugbui leaƒewo.”
Alo, “tsitsiawo.”
Egɔmeɖeɖe tẽe, “dzo.”
Alo, “Haleluyah!” “Yah” nye ŋkɔ Yehowa ŋɔŋlɔ kpuie.