Dzo kpo yi emenuwo dzi

Dzo kpo yi emenuawo dzi

Psalmowo 147:1-20

EMENYAWO ƑE TOTOƉEME

  • Mawu ƒe lɔlɔ̃ kple eƒe nukudɔwo kafukafu

    • Edaa gbe le ame siwo ƒe dzi gbã la ŋu (3)

    • Eyɔa ɣletiviwo dometɔ ɖe sia ɖe ƒe ŋkɔ (4)

    • Enaa sno abe alẽfu ene (16)

147  Mikafu Yah!* Enyo be míadzi kafukafuha* na mía Mawu la;Aleke wòvivina, eye wònyoe nye esi be woakafui!+   Yehowa le Yerusalem du la tsom;+Eƒoa Israel ƒe ame siwo woka hlẽ la nu ƒu.+   Edaa gbe le ame siwo ƒe dzi gbã la ŋu;Eye wòblaa abi na wo.   Enya xexlẽme na ɣletiviwo;Eye wòyɔa wo katã ŋkɔ.+   Mía Aƒetɔ la lolo, eye eƒe ŋusẽ tri akɔ;+Seɖoƒe meli na eƒe gɔmesese o.+   Yehowa kɔa ame fafawo ɖe dzi,+Ke exlãa ame vɔ̃ɖiwo ɖe anyi.   Midzi akpedaha na Yehowa;Mitsɔ saŋku ƒo ha na mía Mawu la,   Eya, Ame si tsɔ alilikpowo xea dziƒowo ŋkume,Ame si nana tsi dzana ɖe anyigba dzi,+Ame si nana gbe miena+ ɖe towo dzi.   Eyae naa nuɖuɖu lãwo,+Kple akpaviãvi siwo le xɔxlɔ̃m nɛ la.+ 10  Mekpɔa dzidzɔ ɖe sɔ ƒe ŋusẽ ŋu o;+Eye menye amegbetɔ ƒe afɔ tsɔtsɔe ye dzea eŋu o.+ 11  Ke boŋ Yehowa kpɔa dzidzɔ ɖe ame siwo vɔ̃nɛ la ŋu,+Ðe ame siwo kpɔa mɔ na eƒe lɔlɔ̃ si nu metsina o la ŋu.+ 12  Oo Yerusalem, kafu Yehowa. Oo Zion, do wò Mawu la ɖe dzi. 13  Enaa wò dugbowo ƒe gametiwo sesẽna;Eyraa viwòwo le mewò. 14  Eyae nana ŋutifafa xɔa wò anyigba dzi;+Etsɔa lu nyuitɔ kekeake ɖia ƒo na wò.+ 15  Eƒe gbeɖeɖe ɖoa anyigba dzi;Eƒe nya la tsɔna. 16  Enaa sno abe alẽfu ene;+Ekakaa tsi babla ɖi abe dzofi ene.+ 17  Edaa eƒe tsikpewo* abe abolo wluiwluiwo ene.+ Ame kae ate ŋu anɔ te ɖe eƒe vuvɔ nu?+ 18  Eɖea gbe, eye tsikpewo lólona. Enana eƒe ya ƒona,+ eye tsiwo sina lalala. 19  Egblɔa eƒe nya na Yakob,Eƒe ɖoɖowo kple eƒe ʋɔnudɔdrɔ̃ ŋuti mɔfiamewo na Israel.+ 20  Mewɔ alea na dukɔ bubu aɖeke o;+Eye womenya naneke tso eƒe ʋɔnudɔdrɔ̃ ŋuti mɔfiamewo ŋu o. Mikafu Yah!*+

Etenuŋɔŋlɔ

Alo, “Haleluyah!” “Yah” nye ŋkɔ Yehowa ŋɔŋlɔ kpuie.
Alo, “míaƒo ha.”
Alo, “tsi babla.”
Alo, “Haleluyah!” “Yah” nye ŋkɔ Yehowa ŋɔŋlɔ kpuie.