Dzo kpo yi emenuwo dzi

Dzo kpo yi emenuawo dzi

Psalmowo 143:1-12

EMENYAWO ƑE TOTOƉEME

  • Mɔkpɔkpɔ na Mawu abe ale si kuɖiɖinyigba kpɔa mɔ na tsi ene

    • ‘Mede ŋugble le wò dɔwɔwɔwo ŋu’ (5)

    • “Fia wò lɔlɔ̃num mawɔ” (10)

    • ‘Na wò gbɔgbɔ nyo la nakplɔm’ (10)

David ƒe ha. 143  Oo Yehowa, se nye gbedodoɖa;+Lé to ɖe nye kokoƒoƒo ŋu. Tɔ nam le wò nuteƒewɔwɔ kple wò dzɔdzɔenyenye ta.   Mègakplɔ wò subɔla va ʋɔnui o,Elabena agbagbe aɖeke mele dzɔdzɔe le ŋkuwòme o.+   Futɔ la ti yonyeme;*Efanya nye agbe ɖe anyigba. Etem ɖe viviti me abe ame siwo ku xoxoxo la ene.   Nu te nye gbɔgbɔ ŋu;*+Nye dzi lulu le menye.+   Meɖo ŋku blemaŋkekewo dzi;Mede ŋugble le wò dɔwɔwɔwo katã ŋu;+Mesusu* wò asinudɔwɔwɔwo ŋu.   Meke nye abɔwo me na wò;Mele* mɔ kpɔm na wò abe ale si kuɖiɖinyigba kpɔa mɔ na tsi ene.+ (Sela)   Oo Yehowa, tɔ nam kaba;+Ŋusẽ vɔ le ŋunye kura.*+ Mègaɣla wò mo ɖem o,+Ne maganɔ abe aʋlimeyilawo* ene o.+   Na mase wò lɔlɔ̃ si nu metsina o la ŋu nya le ŋdi,Elabena ŋuwòe meɖo ŋu ɖo. Fia mɔ si mato lam,+Elabena ŋuwòe metrɔ ɖo.*   Oo Yehowa, ɖem tso nye futɔwo si me. Wòe mesi tso.+ 10  Fia wò lɔlɔ̃num mawɔ,+Elabena nye Mawu nènye, Wò gbɔgbɔ la nyo ŋutɔ;Na wòakplɔm to anyigba sɔsɔe dzi.* 11  Oo Yehowa, xɔm ɖe agbe le wò ŋkɔ la ta. Ðem* tso xaxa me, le wò dzɔdzɔenyenye ta.+ 12  Na nye futɔwo nu nayi,* le wò lɔlɔ̃ si nu metsina o la ta;+Tsrɔ̃ ame siwo katã le fu ɖem nam,*+Elabena wò subɔla menye.+

Etenuŋɔŋlɔ

Alo, “nye luʋɔ yome.”
Alo, “Nye ŋusẽ le vɔvɔm.”
Alo, “Mesrɔ̃ nu tso.”
Alo, “Nye luʋɔ le.”
Egɔmeɖeɖe tẽe, “Nye gbɔgbɔ nu tso kura.”
Alo, “ame siwo le yɔdo me.”
Alo, “wòe metsɔ nye luʋɔ na.”
Alo, “to ame dzɔdzɔewo ƒe anyigba dzi.”
Alo, “Ðe nye luʋɔ.”
Egɔmeɖeɖe tẽe, “Na ɖoɖoe nazi le nye futɔwo nu.”
Alo, “fu ɖem na nye luʋɔ.”