Dzo kpo yi emenuwo dzi

Dzo kpo yi emenuawo dzi

Psalmowo 142:1-7

EMENYAWO ƑE TOTOƉEME

  • Gbedodoɖa be woaxɔ na ye tso futɔwo si me

    • “Afi aɖeke meli masi ayi o” (4)

    • “Wò koe li nam” (5)

Maskil.* David ƒe ha, esime wònɔ agado la me.+ Gbedodoɖae. 142  Medo ɣli yɔ Yehowa be wòaxɔ nam;+Mekɔ nye gbe dzi na Yehowa be wòave nunye.   Metrɔ nye dzimaɖitsitsi kɔ ɖe eŋkume;Meƒo nu le nye xaxawo ŋu le eŋkume,+   Esime nu te nye gbɔgbɔ ŋu le menye.* Ɣemaɣi wò ŋkuwo nɔ nye toƒe ŋu.+ Wotre mɔ̃ nam keŋÐe mɔ si metona la dzi.   Trɔ nàkpɔ nye ɖusime ɖa,Àkpɔe be ame aɖeke metsɔa ɖeke le eme nam o.*+ Afi aɖeke meli masi ayi o;+Nye nya meka ame aɖeke o.*   Oo Yehowa, wò yɔm mele be nàxɔ nam. Mebe: “Wòe nye nye sitsoƒe,+Wò koe li nam* le agbagbeawo ƒe anyigba dzi.”   Lé to ɖe nye kokoƒoƒo ŋu,Elabena wobɔbɔm ɖe anyi ŋutɔ. Ðem tso yonyemetilawo si me,+Elabena wotri akɔ wum sãsãsã.   Ðem* tso gaxɔ* me,Ne makafu wò ŋkɔ. Na ame dzɔdzɔewo naƒo ƒu ɖe ŋunye,Le esi nèwɔ nyui nam ta.

Etenuŋɔŋlɔ

Alo, “Esime ŋusẽ vɔ le ŋunye.”
Egɔmeɖeɖe tẽe, “ame aɖeke medzea sim o.”
Alo, “na nye luʋɔ o.”
Egɔmeɖeɖe tẽe, “Wòe nye nye gome.”
Alo, “Ðe nye luʋɔ.”
Alo, “tomegaxɔ.”