Dzo kpo yi emenuwo dzi

Dzo kpo yi emenuawo dzi

Psalmowo 132:1-18

EMENYAWO ƑE TOTOƉEME

  • Wotia David kple Zion

    • “Mègagbe wò amesiamina la o” (10)

    • Wota xɔname na Zion ƒe nunɔlawo (16)

Todzimɔ dzi Hadzidzi. 132  Oo Yehowa, ɖo ŋku David,Kple eƒe fukpekpewo katã dzi;+   Ale si wòka atam na Yehowa,Ale si wòɖe adzɔgbe na Yakob ƒe Ŋusẽtɔ la be:+   “Nyemage ɖe nye agbadɔ, si nye nye aƒe me o.+ Eye nyemamlɔ nye dɔƒe, si nye nye aba dzi o;   Nyemana nye ŋku nadɔ alɔ̃,Alo aɖo aɖaba aɖaba dzi adɔ akɔlɔ̃e o,   Va se ɖe esime makpɔ teƒe na Yehowa,Makpɔ nɔƒe nyui* aɖe na Yakob ƒe Ŋusẽtɔ la.”+   Kpɔ ɖa! Míese eŋkɔ le Efrata;+Míekpɔe le avenyigbawo dzi.+   Mina míage ɖe enɔƒe;*+Mina míade ta agu ɖe eƒe afɔɖodzinu ŋgɔ.+   Oo Yehowa, tso nàyi wò gbɔɖemeƒe la,+Wò ŋutɔ kple wò Aɖaka si le tsitre ɖi na wò ŋusẽ.+   Wò nunɔlawo neta dzɔdzɔenyenye,Eye wò nuteƒewɔlawo netso aseye. 10  Le wò subɔla David taMègagbe wò amesiamina la o.*+ 11  Yehowa ka atam na David;Nyateƒee, mada le edzi o, be: “Wò dzidzimevi* aɖeeMatsɔ aɖo wò fiazikpui dzi.+ 12  Ne viwòwo awɔ nye nubabla la dzi,Eye woalé nye ŋkuɖodzinya siwo mafia wo la me ɖe asi la,+Ekema wo viwo hãAbɔbɔ nɔ wò fiazikpui dzi tegbee.”+ 13  Elabena Yehowa tia Zion;+Edi vevie be wòanye nɔƒe na ye:+ 14  “Afi siae nye nye gbɔɖemeƒe tegbee;Afi siae manɔ,+ elabena esia dim mele vevie. 15  Matsɔ nu nyui geɖewo ayrae;Matsɔ abolo aɖi ƒoe na eƒe ame dahewo.+ 16  Mata xɔname na eƒe nunɔlawo,+Eye eƒe nuteƒewɔlawo atso aseye.+ 17  Afi ma mana David ƒe ŋusẽ nadzi ɖe edzi* le. Medzra akaɖi ɖo ɖi na nye amesiamina la.+ 18  Mado ŋukpe eƒe futɔwo,Ke eya ƒe fiakuku anɔ keklẽm le ta nɛ.”+

Etenuŋɔŋlɔ

Alo, “avɔgbadɔ gã.”
Alo, “eƒe avɔgbadɔ gã la me.”
Egɔmeɖeɖe tẽe, “Mègatrɔ wò amesiamina la ƒe mo ɖa o.”
Egɔmeɖeɖe tẽe, “alimevi.”
Egɔmeɖeɖe tẽe, “David ƒe dzo nado.”