Dzo kpo yi emenuwo dzi

Dzo kpo yi emenuawo dzi

Psalmowo 118:1-29

EMENYAWO ƑE TOTOƉEME

  • Akpedada ɖe Yehowa ƒe aʋadziɖuɖu ta

    • ‘Meyɔ Yah eye wòtɔ nam’ (5)

    • “Yehowa li kplim” (6, 7)

    • Kpe si xɔtulawo gbe la va zu dzogoedzikpe vevitɔ (22)

    • ‘Ame si gbɔna le Yehowa ƒe ŋkɔ me’ (26)

118  Mida akpe na Yehowa, elabena eya amea nyo;+Eƒe lɔlɔ̃ si nu metsina o la li tegbee.   Israel negblɔ azɔ be: “Eƒe lɔlɔ̃ si nu metsina o la li tegbee.”   Aron ƒe aƒe la negblɔ azɔ be: “Eƒe lɔlɔ̃ si nu metsina o la li tegbee.”   Ame siwo vɔ̃a Yehowa la negblɔ azɔ be: “Eƒe lɔlɔ̃ si nu metsina o la li tegbee.”   Meyɔ Yah* le xaxa me;Yah tɔ nam, eye wòkplɔm va afi si le dedie.*+   Yehowa li kplim; nyemavɔ̃ o.+ Nu kae amegbetɔ ate ŋu awɔm?+   Yehowa le nye akpa dzi be yeakpe ɖe ŋunye;*+Eya ta nye ŋku atsa le nye futɔwo dzi aʋadziɖuɖutɔe.+   Enyo be woasi Yehowa atsoWu be woaɖo ŋu ɖe amegbetɔwo ŋu.+   Enyo be woasi Yehowa atsoWu be woaɖo ŋu ɖe amegãwo ŋu.+ 10  Dukɔwo katã ɖe to ɖem,Gake Yehowa ƒe ŋkɔ meeMenya wo ɖa le.+ 11  Woɖe to ɖem, ɛ̃, woƒo xlãm le goawo katã me,Gake Yehowa ƒe ŋkɔ meeMenya wo ɖa le. 12  Woƒo kɔ ɖe ŋunye abe anyiwo ene,Ke wotsi abe aŋɔkadzo ene. Yehowa ƒe ŋkɔ meeMenya wo ɖa le.+ 13  Wotu* asim sesĩe be madze anyi,Ke Yehowa tsom xɔ. 14  Yah ye nye nye bebeƒe kple nye ŋusẽ,Eyae nye nye xɔnametɔ.+ 15  Aseyetsotso kple dziɖuɣli le ɖiɖimLe ame dzɔdzɔewo ƒe agbadɔ me. Yehowa ƒe nuɖusi le eƒe ŋusẽ ɖem fia.+ 16  Yehowa ƒe nuɖusi le dzi dem;Yehowa ƒe nuɖusi le eƒe ŋusẽ ɖem fia.+ 17  Nyemaku o, ke boŋ manɔ agbe,Ne maɖe gbeƒã Yah ƒe dɔwɔwɔwo.+ 18  Yah he to nam vevie,+Gake metsɔm de asi na ku o.+ 19  Miʋu dzɔdzɔenyenye ƒe agbowo nam;+Mage ɖe wo me akafu Yah. 20  Yehowa ƒe agboe nye esia. Ame dzɔdzɔewoe age ɖe eme.+ 21  Makafu wò, elabena ètɔ nam,+Eye nèzu nye xɔnametɔ.  22  Kpe si xɔtulawo gbe laEyae va zu dzogoedzikpe vevitɔ.+  23  Yehowa gbɔe esia tso;+Eye wònye nu wɔnuku le mía ŋkume.+  24  Esiae nye ŋkeke si Yehowa wɔ;Míakpɔ dzidzɔ, eye míatso aseye le eme.  25  Oo Yehowa, míeɖe kuku, xɔ na mí! Oo Yehowa, na wòadze edzi na mí dzro!  26  Woayra ame si gbɔna le Yehowa ƒe ŋkɔ me;+Míeyra mi tso Yehowa ƒe aƒe la me.  27  Yehowae nye Mawu;Eyae naa kekeli mí.+ Mitsɔ atilɔwo ɖe asi miage ɖe ŋkekenyuiɖulawo ƒe gbɔlɔha la me,+Miayi vɔsamlekpui la ƒe dzowo gbɔ.+  28  Wòe nye nye Mawu, makafu wò;Nye Mawu, mado wò ɖe dzi.+  29  Mida akpe na Yehowa,+ elabena eya amea nyo;Eƒe lɔlɔ̃ si nu metsina o la li tegbee.+

Etenuŋɔŋlɔ

“Yah” nye ŋkɔ Yehowa ŋɔŋlɔ kpuie.
Alo, “teƒe si keke.”
Agate ŋu afia, “Yehowa le nye akpa dzi kpe ɖe ame siwo le xɔxɔm nam la ŋu.”
Agate ŋu afia, “Ètu.”