Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Psalmowo 104:1-35

EMENYAWO ƑE TOTOƉEME

  • Mawu kafukafu ɖe eƒe nuwɔwɔ wɔnukuawo ta

    • Anyigba anɔ anyi tso mavɔ me yi mavɔ me (5)

    • Wain kple abolo na amegbetɔ (15)

    • “Wò dɔwɔwɔwo sɔ gbɔ loo!” (24)

    • “Ne èxɔ woƒe gbɔgbɔ la, wokuna” (29)

104  Makafu* Yehowa.+ Oo Yehowa, nye Mawu, èlolo ŋutɔ.+ Èta gãnyenye* kple atsyɔ̃,+   Ètsyɔ kekeli abe avɔ ene;+Eye nèkeke dziƒowo me abe agbadɔvɔ ene.+   Eɖo eƒe dziƒoxɔ ƒe sɔtiwo ƒe agunu anyi ɖe tsiwo dzi,+Etsɔa alilikpowo wɔa eƒe tasiaɖam,+Eye wòzɔa ya ƒe aʋalawo dzi.+   Ewɔ eƒe dɔlawo wonye gbɔgbɔwo,Kple eƒe subɔlawo wonye dzo flafla.+   Eɖo anyigba gɔme anyi ɖe eƒe anyinɔwo dzi;+Maʋã* akpɔ o tso mavɔ me yi mavɔ me.+   Ètsyɔ tsi goglo nɛ abe avɔ ene.+ Tsiwo kɔ gbɔ towo ta.   Esi nèblu la, wosi;+Esi nèɖe gbe la, vɔvɔ̃ lé wo wode afɔ du me;   Towo ho ɖe dzi,+ eye baliwo nyé ɖe eme,Va ɖo afi si nèɖo na wo.   Èɖo liƒo na wo, ne woagagbɔ edzi o,+Ne woagatsyɔ anyigba la dzi azɔ o. 10  Ena tsiwo si yi baliwo me;Wosi to towo domee. 11  Wonaa tsi gbemelãwo katã wonona;Gbetedziwo ɖia kɔ na woƒe tsikɔwuame. 12  Dziƒoxewo wɔa atɔ ɖe atiwo me le tɔawo to;Wonɔa atilɔwo dzi nɔa ha dzim. 13  Edea tsi towo tso eƒe dziƒoxɔawo me.+ Wò dɔwɔwɔ me kutsetse ɖia ƒo na anyigba.+ 14  Enana gbe miena na nyiwoKple nu miemiewo na amegbetɔwo ƒe zazã,+Ne woakpɔ nuɖuɖu tso anyigba me, 15  Ena wain si doa dzidzɔ na amegbetɔ ƒe dzi,+Ena ami si nana ame ƒe mo zrɔ̃na,Kple abolo si doa ŋusẽ amegbetɔ ƒe dzi.+ 16  Yehowa ƒe atiwo ɖia ƒo,Lebanon ƒe sederti siwo wòdo, 17  Afi mae xeviwo wɔa atɔ ɖo. Sesewutiwo mee damixe+ wɔ nɔƒe ɖo. 18  To kɔkɔwo nye agamegbɔ̃wo nɔƒe;+Agakpewo to me nye hotoklolowo ƒe bebeƒe.+ 19  Ewɔ dzinu ne wòafia ɣeyiɣiwo;Ɣe nya ɣeyiɣi si wòɖoa to la nyuie.+ 20  Èhea viviti vanɛ eye zã dona;+Ɣemaɣie avemelãwo katã dona ɖatsana. 21  Dzataviwo* xlɔ̃na nɔa nuléle dim+Eye wodia woƒe nuɖuɖu tso Mawu gbɔ.+ 22  Ne ɣe dze la,Wotrɔna yina ɖatsyɔa akɔ ɖe wo nɔƒewo. 23  Amegbetɔ yia eƒe dɔwo gbɔ,Eye wònɔa dɔ dzi va se ɖe fiẽ. 24  Oo Yehowa, wò dɔwɔwɔwo sɔ gbɔ loo!+ Èwɔ wo katã le nunya me.+ Anyigba yɔ fũu kple wò nuwɔwɔwo. 25  Atsiaƒue nye esi, elolo hekeke gbanaa,Eya mee nu gbagbe siwo mele xexlẽ me o, suewo kple gãwo siaa, ʋãa wo ɖokui le.+ 26  Edzie tɔdziʋuwo tona,Èwɔ Leviatan*+ be wòafe le eme. 27  Wo katã wole asiwò nu kpɔm,Be nàna nuɖuɖu yewo le enaɣi.+ 28  Nu si nèna wo la, woƒoa enu ƒu.+ Ne èʋu wò asi me la, ètsɔa nu nyuiwo ɖia ƒo na wo.+ 29  Ne èɣla wò ŋkume la, wotɔtɔna. Ne èxɔ woƒe gbɔgbɔ la, wokuna, eye wogatrɔna zua anyi.+ 30  Ne èɖo wò gbɔgbɔ ɖa la, wodzɔna,+Eye nègawɔa anyigba la ƒe ŋkume yeyee. 31  Yehowa ƒe ŋutikɔkɔe anɔ anyi tegbee. Yehowa akpɔ dzidzɔ ɖe eƒe dɔwɔwɔwo ŋu.+ 32  Edoa mo ɖa kpɔa anyigba la, eye wòdzona kpekpekpe;Ekaa asi towo ŋu, eye wotua dzudzɔ.+ 33  Madzi ha na Yehowa+ le nye agbe me katã;Madzi kafukafuha* na nye Mawu zi ale si mele agbe.+ 34  Nye tamesusuwo nedze eŋu.* Nye la, makpɔ dzidzɔ ɖe Yehowa ŋu. 35  Nu vɔ̃ wɔlawo nu ayi le anyigba la dzi,Eye ame vɔ̃ɖiwo maganɔ anyi o.+ Makafu* Yehowa. Mikafu Yah!*

Etenuŋɔŋlɔ

Alo, “Luʋɔnye kafu.”
Alo, “bubu.”
Alo, “Maʋuʋu.”
Alo, “Dzatatsuiwo.”
Alo, “Maƒo ha.”
Agate ŋu afia, “Nye ŋugbledede le eŋu nenyo eŋu.”
Alo, “Luʋɔnye kafu.”
Alo, “Haleluyah!” “Yah” nye ŋkɔ Yehowa ŋɔŋlɔ kpuie.