Dzo kpo yi emenuwo dzi

Dzo kpo yi emenuawo dzi

Psalmowo 103:1-22

EMENYAWO ƑE TOTOƉEME

  • “Makafu Yehowa”

    • Mawu te míaƒe dzidadawo ɖa boo tso mía gbɔ (12)

    • Mawu kpɔa nublanui abe vifofo ene (13)

    • Mawu ɖoa ŋui be kewɔe míenye (14)

    • Yehowa ƒe fiazikpui kple fianyenye (19)

    • Mawudɔlawo wɔa Mawu ƒe nya dzi (20)

David ƒe ha. 103  Makafu* Yehowa;Nu sia nu si le menye nekafu eƒe ŋkɔ kɔkɔe la.   Makafu* Yehowa;Nyemaŋlɔ nu siwo katã wòwɔ la be gbeɖe o.+   Etsɔa wò vodadawo katã kea wò+Eye wòdaa gbe le wò dɔlélewo katã ŋu;+   Eyae xɔa wò agbe le yɔdo si me,+Eye wòtsɔa amenuveve kple nublanuikpɔkpɔ ɖɔna na wò.+   Eyae tsɔa nu nyuiwo ɖia ƒo na wò+ le wò agbemeŋkekewo katã me,Ale be nègaɖoa ɖekakpui me abe ale si hɔ̃ ɖɔa li fu ene.+   Yehowa wɔa nu dzɔdzɔe+ eye wòtsoa afia dzɔdzɔeNa ame siwo katã wote ɖe anyi.+   Ena Mose nya eƒe mɔwo,+Eye wòna Israel-viwo nya eƒe nuwɔnawo.+   Yehowa nye nublanuikpɔla kple veveseɖeamenula,*+Medoa dziku kabakaba o, eye eƒe lɔlɔ̃ nu metsina gbeɖe o.+   Menɔa vodada dim le ame ŋu ɣesiaɣi o,+Eye meléa dziku ɖe dɔme ɖikaa o.+ 10  Mewɔa nu ɖe mía ŋu ɖe míaƒe nu vɔ̃wo nu o,+Eye meɖoa eteƒe na mí ɖe míaƒe vodadawo nu o.+ 11  Elabena ale si dziƒo kɔ boo wu anyigbae la,Nenemae eƒe amenuveve hã sɔ gbɔ na ame siwo vɔ̃nɛ.+ 12  Ale si ɣedzeƒe didi tso ɣetoɖoƒe gbɔe la,Nenemae wòte míaƒe dzidadawo ɖa boo tso mía gbɔe.+ 13  Ale si vifofo kpɔa nublanui na viawoe la,Nenemae Yehowa kpɔa nublanui na ame siwo vɔ̃nɛ.+ 14  Elabena enya míaƒe wɔwɔme nyuie,+Eɖoa ŋui be kewɔe míenye.+ 15  Ke amegbetɔ ƒe agbemeŋkekewo le abe gbe ene;+Ewɔna abe seƒoƒo le gbe me ene.+ 16  Ke ne ya ƒo to edzi ko la, enu yina,Abe ɖe menɔ afi ma kpɔ o ene.* 17  Ke Yehowa ƒe lɔlɔ̃ si nu metsina o la li tso mavɔ me yi mavɔ meNa ame siwo vɔ̃nɛ,+Eye eƒe dzɔdzɔenyenye li na wo viwo ƒe viwo,+ 18  Na ame siwo léa eƒe nubabla me ɖe asi,+Kple ame siwo wɔa eƒe sewo dzi pɛpɛpɛ. 19  Yehowa li eƒe fiazikpui anyi ɖe dziƒowo;+Eye eƒe fiaɖuƒe ɖua nuwo katã dzi.+ 20  Mikafu Yehowa, mi eƒe dɔlawo,+ mi kalẽtɔ sesẽSiwo wɔa eƒe nya dzi+ hesea eƒe gbe.* 21  Mikafu Yehowa, mi eƒe aʋakɔwo katã,+Mi eƒe subɔla siwo wɔa eƒe lɔlɔ̃nu.+ 22  Mikafu Yehowa, mi eƒe nuwɔwɔwo katã,Le eƒe dziɖuƒewo katã. Makafu* Yehowa.

Etenuŋɔŋlɔ

Alo, “Luʋɔnye kafu.”
Alo, “Luʋɔnye kafu.”
Alo, “ameŋubula.”
Egɔmeɖeɖe tẽe, “Eye enɔƒe megadzea sii o.”
Egɔmeɖeɖe tẽe, “hesea eƒe nya ƒe gbe.”
Alo, “Luʋɔnye kafu.”