Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Mika 7:1-20

EMENYAWO ƑE TOTOƉEME

  • Israel ƒe agbenɔnɔ gbegblẽwo (1-6)

    • Ame ƒe futɔwo anye eƒe aƒemetɔwo (6)

  • ‘Manɔ Mawu sinu kpɔm’ (7)

  • Woʋli Mawu ƒe amewo ta (8-13)

  • Mika ƒe gbedodoɖa kple Mawu kafukafu (14-20)

    • Yehowa ƒe ŋuɖoɖo (15-17)

    • ‘Mawu kae le abe Yehowa ene?’ (18)

7  Baba nam! Elabena mele abeAle si wònɔna ne woxa dzomeŋɔlikutsetsewoEye wofɔ waintsetse siwo woxa la ƒe susɔewo vɔ ene,Waintsetse aɖeke meli woaɖu o,Eye gbotsetse ŋgɔgbea si dzroam* aɖeke meli o!   Nuteƒewɔlawo nu yi le anyigba la dzi;Ame dzɔdzɔe aɖeke mele amegbetɔwo dome o.+ Wo katã wode xa ɖi ɖe ʋukɔkɔɖi ŋu.+ Ame sia ame ɖo ɖɔ na nɔvia.   Woƒe asi bi ɖe nu vɔ̃ɖi wɔwɔ me;+Amegã dia viɖe,Ʋɔnudrɔ̃la drɔ̃a ʋɔnu ɖe fetu ta,+Ame ŋkuta gblɔa nu si dzronɛ,*+Eye wosɔa nu wɔnɛ.   Ame nyuitɔ si le wo dome le abe ŋù ene,Woƒe nuteƒewɔla kekeake gɔ̃ hã vɔ̃ɖi wu ŋùkpɔ. Wò gbetakpɔlawo ƒe ŋkeke, si nye wò akɔntanagbe ava.+ Ekema amewo atɔtɔ keŋ.+   Migaxɔ miaƒe zɔhɛ dzi se o.Alo aɖo ŋu ɖe mia xɔlɔ̃ vevi ŋu o.+ Nya nuƒoƒo le ame si le wò akɔnu la gbɔ.   Elabena viŋutsu doa vlo fofoa,Vinyɔnu tsona ɖe dadaa ŋu,+Lɔ̃xoyɔvi tsona ɖe lɔ̃xoa ŋu;+Ame ƒe futɔwo nye eƒe aƒemetɔwo.+   Ke nye la, manɔ ŋu tsam na Yehowa.+ Manɔ Mawu, nye xɔnametɔ la, sinu kpɔm.*+ Nye Mawu aɖo tom.+   Oo nye futɔ,* mèganɔ dzidzɔ kpɔm le tanye o. Togbɔ be medze anyi hã la, magafɔ;Togbɔ be mele viviti me hã la, Yehowa anye kekeli nam.   Mewɔ nu vɔ̃ ɖe Yehowa ŋu,+Eya ta mado dzi atsɔ eƒe dziku,Va se ɖe esime wòadrɔ̃ nye nya ahatso afia dzɔdzɔe nam. Akplɔm ado ɖe kekeli nu;Makpɔ eƒe dzɔdzɔenyenye. 10  Nye futɔ hã akpɔe,Eye ŋu akpe ame si gblɔ nam be: “Afi kae Yehowa wò Mawu la le?”+ Nye ŋkuwo akpɔ nyɔnu la. Azɔ woafanyae abe ba le kpɔdomee ene. 11  Anye ŋkeke si woaɖo wò gliwo,Gbe ma gbe la, woakeke wò liƒowo ɖe enu.* 12  Amewo atso keke Asiria kple Egipte duwo meAva gbɔwò gbe ma gbe,Tso Egipte va se ɖe keke Tɔsisi* la nu;Tso atsiaƒu nu yi atsiaƒu nu, tso to ɖeka gbɔ yi bubu gbɔ.+ 13  Anyigba la aɖi gbɔlo le edzinɔlawo ta,Le woƒe nuwɔnawo me tsonuwo ta. 14  Tsɔ wò atikplɔ kplɔ wò dukɔ, alẽha si nye wò domenyinu+Si le eɖokui si le ave me, le atikutsetsebɔ me. Na woaɖu gbe le Basan kple Gilead+ abe le blemaŋkekewo me ene. 15  “Mana wòakpɔ nukunuwo+Abe le ŋkeke siwo me nèʋu tso Egipte-nyigba dzi ene. 16  Dukɔwo akpɔ nu siawo, eye ŋu akpe wo, togbɔ be ŋusẽ geɖe le wo ŋu hã.+ Woatsɔ asi aɖo nu;Eye woƒe to aku. 17  Woaɖuɖɔ kewɔ abe dawo ene;+Ŋɔdzi alé wo woasi ado tso woƒe bebeƒewo abe nu gbagbe siwo tana le anyigba dzi ene. Woanɔ ƒoƒom kpakpakpa ava Yehowa mía Mawu la gbɔ,Eye woavɔ̃ wò.”+ 18  Mawu kae le abe wò ene,Wò ame si tsɔa vodada kena, eye mèléa ŋku ɖe wò domenyinu mamlɛa ƒe dzidada ŋu o?+ Malé dɔmedzoe ɖi ɖikaa o,Elabena amenuveve nyoa eŋu.+ 19  Agakpɔ nublanui na mí;+ axɔ ŋusẽ le míaƒe vodadawo si.* Àtsɔ woƒe nu vɔ̃wo katã aƒu gbe ɖe atsiaƒu ƒe gogloeƒe.+ 20  Àwɔ nuteƒe na Yakob,Eye àve Abraham nu,Abe ale si nèka atam na mía tɔgbuiwo tso blemaŋkekewo me ene.+

Etenuŋɔŋlɔ

Alo, “dzroa nye luʋɔ.”
Alo, “dzroa eƒe luʋɔ.”
Alo, “lalam dzigbɔɖitɔe.”
Hebrigbe me nya si wozã na “nye futɔ” la fia nyɔnu.
Agate ŋu afia, “woate se si wode la ayi adzɔge ke.”
Efia, Frat-tɔsisi.
Alo, “atiti afɔ ɖe míaƒe vodadawo dzi; akpɔ ŋusẽ ɖe míaƒe vodadawo dzi.”