Mika 6:1-16

  • Mawu he nya ɖe Israel ŋu (1-5)

  • Nu ka dim Yehowa le tso asiwò? (6-8)

    • Nu dzɔdzɔe wɔwɔ, nuteƒewɔwɔ, ɖokuibɔbɔ (8)

  • Israel ƒe fɔɖiɖi kple ʋɔnudɔdrɔ̃ (9-16)

6  Meɖe kuku, mise nya si gblɔm Yehowa le. Tso, nàtsɔ wò nya va towo gbɔ,Eye na togbɛwo nase wò gbe.+   Mi towo, mise Yehowa ƒe ʋɔnunya,Mi anyigba ƒe agunuwo hã misee,+Elabena nya le Yehowa kple eƒe dukɔ la dome;Israel ye wòle nya he ge kplii:+   “Nye dukɔ, nu kae mewɔ wò? Eye fu kae meɖe na wò?+ Ðo eŋu nam.   Elabena mekplɔ wò tso Egipte-nyigba dzi,+Meɖe wò tso kluviƒe me;+Medɔ Mose, Aron kple Miriam wodze ŋgɔwò.+   Oo nye dukɔ, meɖe kuku ɖo ŋku nu si Moab-fia Balak ɖo be yeawɔ,+Kple ale si Bileam, Beor vi, ɖo eŋu nɛ la dzi+—Ðo ŋku nu siwo dzɔ tso Sitim+ va se ɖe Gilgal+Ale be nàdze si Yehowa ƒe nu dzɔdzɔe wɔwɔwo.”   Nu kae matsɔ ɖe asi ado ɖe Yehowa ŋkume, Ava de ta agu na Mawu dziƒoʋĩtɔ la? Ðe matsɔ numevɔsa blibowoKple nyivi siwo xɔ ƒe ɖeka la ɖe asi ado ɖe eŋkumea?+   Ðe agbo akpewoKple amitɔʋu akpe nanewo adze Yehowa ŋua?+ Ðe matsɔ nye ŋgɔgbeviŋutsu ana ɖe nye dzidadawo taKple nye dɔmevi ana ɖe nye nu vɔ̃ taa?*+   Oo amegbetɔ, egblɔ nu si nyo la na wò. Eye nu ka dim Yehowa le tso asiwò? Eya koe nye be nàwɔ nu dzɔdzɔe,*+ nàlɔ̃ nu si le eteƒe la wɔwɔ,*+Eye nàbɔbɔ ɖokuiwò ɖe anyi+ ahazɔ kple wò Mawu!+   Yehowa le du la yɔm;Ame si si nunya vavãtɔ le la avɔ̃ wò ŋkɔ. Miɖo to ameƒoti la kple ame si dɔe la.+ 10  Ðe kesinɔnu madzɔmadzɔKple efa* nudzidzenu si mede o, si nyɔ ŋu gale ame vɔ̃ɖi ƒe aƒe me kokokoa? 11  Ðe ŋunye akɔ* ne nudanu amebatɔKple nudakpe ameflutɔ le nye akplo mea?+ 12  Elabena ŋutasesẽ yɔ eƒe kesinɔtɔwo fũu,Eye dua me nɔlawo kaa aʋatso;+Alakpaɖe le nu me na wo.+ 13  “Eya ta maƒo wò ade abi ŋuwò,+Eye mana nàzu aƒedo le wò nu vɔ̃wo ta. 14  Àɖu nu, ke màɖi ƒo o;Wò dɔme aɖi gbɔlo.+ Àlɔ nuwo adzra ɖo, ke màte ŋu akpɔ wo ta woanɔ dedie o,Eye nu si nètsɔ dzoe la, matsɔe ade asi na yi. 15  Àƒã nu, ke màŋe nu o. Àɖa ami, ke màkpɔ ami azã o;Eye àfiã wain hã, ke makpɔ wain ano o.+ 16  Elabena miewɔa Omri ƒe ɖoɖowo dzi eye miewɔa Ahab+ ƒe aƒe ƒe nuwɔnawo katã,Eye miezɔna ɖe woƒe adaŋudedewo nu. Esia ta mana nàzu ŋɔdzinu,Woalia aku ɖe dua me tɔwo ŋu;+Eye dukɔwo ƒe vlodoame anɔ dziwò.”+

Etenuŋɔŋlɔ

Alo, “ana ɖe nye luʋɔ ƒe nu vɔ̃ taa?”
Alo, “nàwɔ nu si sɔ.”
Alo, “nànyo dɔme alɔ̃ ame tso dzi me.” Egɔmeɖeɖe tẽe, “nàlɔ̃ lɔlɔ̃ vavã.”
Alo, “Ðe magbe fɔɖiɖi.”