Dzo kpo yi emenuwo dzi

Dzo kpo yi emenuawo dzi

Mateo 1:1-25

EMENYAWO ƑE TOTOƉEME

  • Yesu Kristo ƒe dzidzimenuŋlɔɖiwo (1-17)

  • Yesu dzidzi (18-25)

1  Yesu Kristo,* David vi,+ Abraham vi,+ ƒe dzidzimenuŋlɔɖiwo:   Abraham dzi Isak;+Isak dzi Yakob;+Yakob dzi Yuda+ kple nɔviawo;   Yuda kple Tamar dzi Perez kple Zera;+Perez dzi Hezron;+Hezron dzi Ram;+   Ram dzi Aminadab;Aminadab dzi Nahason;+Nahason dzi Salmon;   Salmon kple Rahab+ dzi Boaz;Boaz kple Rut+ dzi Obed;Obed dzi Isai;+   Isai dzi David,+ fia la. David kple Uriya srɔ̃ dzi Salomo;+   Salomo dzi Rehabeam;+Rehabeam dzi Abiya;Abiya dzi Asa;+   Asa dzi Yehosafat;+Yehosafat dzi Yehoram;+Yehoram dzi Uziya;   Uziya dzi Yotam;+Yotam dzi Ahaz;+Ahaz dzi Hizkiya;+ 10  Hizkiya dzi Manase;+Manase dzi Amon;+Amon dzi Yosiya;+ 11  Yosiya+ dzi Yekoniya+ kple nɔviawo le Babilon ƒe aboyoɖeɣi.+ 12  Esi wole aboyo me le Babilon la, Yekoniya dzi Sealtiel;Sealtiel dzi Zerubabel;+ 13  Zerubabel dzi Abihud;Abihud dzi Eliyakim;Eliyakim dzi Azor; 14  Azor dzi Zadok;Zadok dzi Akim;Akim dzi Elihud; 15  Elihud dzi Eleazar;Eleazar dzi Matan;Matan dzi Yakob; 16  Yakob dzi Yosef, ame si srɔ̃e nye Maria si dzi Yesu+ si woyɔna be Kristo la.+ 17  Ale dzidzimeawo katã tso Abraham dzi va se ɖe David dzi le dzidzime wuiene; tso David dzi va se ɖe esime woɖe aboyo wo yi Babilon la le dzidzime wuiene; eye tso esime woɖe aboyo wo yi Babilon va se ɖe Kristo la dzi le dzidzime wuiene. 18  Yesu Kristo dzidzi yi ale. Esime wodo dadaa Maria ɖeɖe ŋugbe na Yosef, eye womekpɔ ɖe wo nɔewo haɖe o la, efɔ fu to gbɔgbɔ kɔkɔe+ dzi.* 19  Ke esi srɔ̃a Yosef nye ame dzɔdzɔe, eye medi be yeado ŋukpee le dutoƒo o ta la, eɖoe be yeagbee le adzame.+ 20  Ke esi wòbu nu siawo ŋu vɔ la, kpɔ ɖa, Yehowa* ƒe dɔla ɖe eɖokui fiae le drɔ̃eƒe gblɔ be: “Yosef, David vi, mègavɔ̃ srɔ̃wò Maria kpɔkplɔ va aƒewò me o, elabena fu si wòfɔ la, gbɔgbɔ kɔkɔe mee wòtso.+ 21  Adzi ŋutsuvi, eye nàna ŋkɔe be Yesu,*+ elabena eyae aɖe eƒe dukɔ tso eƒe nu vɔ̃wo me.”+ 22  Nu siawo katã dzɔ ale be nya si Yehowa* gblɔ to eƒe nyagblɔɖila dzi la nava eme be: 23  “Kpɔ ɖa! Ðetugbui leaƒe afɔ fu adzi ŋutsuvi, eye woana ŋkɔe be Imanuel,”+ si gɔmee nye “Mawu Li Kpli Mí.”+ 24  Ale Yosef nyɔ tso alɔ̃ me, eye wòwɔ abe ale si Yehowa* ƒe dɔla la gblɔ nɛ ene, eye wòkplɔ srɔ̃a va eƒe me. 25  Ke medɔ kplii o va se ɖe esime wòdzi ŋutsuvi;+ eye wòna ŋkɔe be Yesu.+

Etenuŋɔŋlɔ

Alo, “Mesia; Amesiamina.”
Alo, “to Mawu ƒe dɔwɔŋusẽ dzi.”
Esia nye teƒe 237 siwo Mawu ƒe ŋkɔ, Yehowa, dze le le Kristotɔwo ƒe Hela Ŋɔŋlɔawo me la ƒe gbãtɔ le Biblia gɔmeɖeɖe sia me. Kpɔ Megbenyawo A5.
Ŋkɔ sia sɔ kple Hebrigbe me ŋkɔ Yesua alo Yosua, si gɔmee nye “Yehowa Nye Xɔname.”